自從四月隔離日子有14日減至7日,小編不時收到有關出外既問題,大多圍繞着旅遊保險、隔離等問題。
小編剛於四月中回港,只要準備充足,回港道路不算太複雜,今次終於有機會入住東涌福朋喜來登酒店Four Points by Sheraton Hong Kong, Tung Chung,需知道呢間酒店一開張已成為隔離酒店,基本上住過嘅都係返嚟香港,而唔係staycation!
▼東涌福朋喜來登酒店海景房景觀
新加坡機場有專有的check-in counter,專門比前往香港嘅乘客,需要準備:
- 48小時內的陰性核酸報告 (新加坡沒有ISO認證診所,只有當地衛生署 (MOH) 認可診所)
- 7晚隔離酒店訂單
- 疫苗記錄
- 預先填定香港健康申報嘅,並下載QR code
▼於香港機場等待核酸結果
▼於香港機場等待核酸結果
酒店介紹
大家住得多東涌喜來登酒店,但係應該比較少機會接觸到旁邊嘅Four Points Sheraton,從外邊看兩間酒店設計一樣,但定位略有不同,而且暫時用途亦不同,前者是對外開放,主要提供Staycation體驗,而後者則用於回港檢疫隔離用途。
▼東涌福朋喜來登酒店
房間介紹
城景客房約200幾呎,主要望東涌城市景,而海景房佈局同城景客房一樣,主要係望機場海景!小編極度推介訂海景房,話晒要連住七晚,不時望住飛機升降,加上有海景,非常治愈!至於洗手間設備基本,配備淋浴間和大支裝備品。
▼東涌福朋喜來登酒店海景客房
▼東涌福朋喜來登酒店海景客房
▼海景客房
▼ 大床房於床邊設有圓形小枱
▼衣櫃
▼洗手間內附有洗衣液、洗潔精等用品
▼淋浴間
設施
Staycation大家關心Gym同泳池多啲,不過隔離期間不可以離開房間,所以酒店好貼心咁準備咗瑜伽墊同拉力帶。有趣嘅係佢哋仲準備埋砌圖,俾大家消磨時間!另外房間亦有空氣清新機、洗衣液、洗潔精、消毒紙巾等,對第一次住隔離酒店嘅小編嚟講相當有驚喜。
▼空氣清新機、瑜伽墊
一日三餐
除咗景觀,餐飲可以話係呢間酒店嘅特色,每日提供多達四個選擇,包括中西餐、素食以及特別餐,入住七日期間從來沒有重複,而且味道和溫度非常不錯。咁多日小編只叫了一餐外賣,因為實在太掛念譚仔了,除此之外全部都是食酒店提供嘅飯盒。記得星期五和復活節還有一些小食,令隔離生活多一點樂趣。
▼ 素菜午餐 (上海獅子狗)
▼午餐 (泰式咖喱雞飯)
▼中式早餐
▼西式早餐
▼復活節小食袋
總結
政府表示暫時沒有計劃改變隔離措施,既然要連住七日酒店,景觀和膳食也是相當重要,大家要好好考慮清楚。
▼日落景色
▼日落景色