由西馬飛東馬，先知道原來馬來西亞其實係由馬來亞 (西馬)、沙巴和砂拉越三個行政區域組成。西馬、沙巴大家聽得多，砂拉越有咩好玩，等小編話俾大家知。
▼ 馬來西亞Vlog 沙巴神山｜沙勞越｜雪蘭莪
▼姆祿山國家公園清水洞
首先，不得不提的是砂拉越擁有豐富嘅天然資源，其中小編去咗嘅姆祿山國家公園，公園內嘅洞穴，更被聯合國教科文組織列入世界自然遺產區。
▼姆魯機場
由沙巴飛抵超細嘅Mulu機場，勁快就拎到行李。經過旁邊嘅入境counter，chop個印，好快就上咗酒店車，到酒店放行李。
▼姆魯機場入境小Counter
▼Mulu Marriott度假村
Mulu呢個咁細嘅地方，正式國際品牌酒店只得一間，就係Mulu Marriott度假村。
▼Mulu Marriott度假村酒店接送車
酒店嘅客貨車好特別，是一輛貨車改建而成。車程大約10分鐘到達渡假村。渡假村位於河流旁，置身於森林中，同大自然融為一體。
▼Mulu Marriott度假村房間浴室
雖然置身於森林，但房間非常現代化，浴室有大浴缸，望着綠油油的森林浸浴，係一大享受。
▼Mulu Marriott度假村
被安排入住Melinau Suite， 房間有一個大客廳，寬闊嘅露台和空間感十足嘅睡房。
▼Melinau Suite 客廳
▼Melinau Suite 露台
▼Melinau Suite 睡房
放低行李，準備出發去探洞。
▼姆祿山國家公園門口
約10分鐘車程到達姆祿山國家公園的入口，少有地看到西方遊客。導遊為我們戴上手帶，開展探洞之旅。
▼姆祿山國家公園
國家公園內的鹿洞和郎洞於下午開放。沿着3公里的平緩木棧道走，幸運的會看到不同的小動物。
▼姆祿山國家公園
唔少品種都係第一次見。首先來到觀賞蝙蝠群體出動覓食的觀賞台。再走300米，到達鹿洞 (Deer Cave) 和郎洞 (Lang Cave) 的分叉口。
▼姆祿山國家公園郎洞
首先進入郎洞， 郎洞是四個開放比遊客入面最細的一個石灰岩洞。內裏有一條長240米的棧道， 洞來很長，以鐘乳石的形成聞名。
▼姆祿山國家公園郎洞
洞內有些好像水母的鐘乳石。
▼姆祿山國家公園鹿洞入口
看完郎洞，返回分叉口，向鹿洞進發。
▼姆祿山國家公園鹿洞入口
唔好以為鹿洞入面會見到鹿。以前曾經真係有鹿喺度生活，但而家其實佢係另一種生物嘅家。洞內住了12個品種蝙蝠，起碼有超過2百萬隻蝙蝠住喺入面。
▼姆祿山國家公園鹿洞
鹿洞空間超大，洞內棧道全場2公里，最高嘅位置離地有100米。喺洞內行走，仲會聽到蝙蝠嘅叫聲。
▼姆祿山國家公園蝙蝠覓食
鹿洞內的蝙蝠是少有會在天未黑出動覓食的品種。到傍晚五點幾，天氣好時會見到成千上萬的蝙蝠，聯群結隊地出動，有時好似一場黑色嘅龍捲風，有時又好似一條黑龍在天飛舞，好壯觀。
▼姆祿山國家公園
望返洞口，有個好像美國總統林肯側面嘅剪影，好神奇。
▼姆祿山國家公園
睇完蝙蝠，我哋沿着木棧道去返國家公園嘅入口。沿途又見到唔少昆蟲，我哋更好好彩地見到樹懶。
▼Mulu Marriott度假村碼頭
第二日食完早餐，出發去另外兩個洞。今次係坐船仔，唔使行咁遠。
▼Mulu原住民小村落
首先會經過Mulu原住民的小村落，比遊客買手信。導遊話村民原本係生活喺森林入面嘅土著。政府為咗幫佢哋改善生活，起咗條村莊，提供教育及醫療等設施。有啲原住民選擇留喺森林繼續生活，政府都會比選擇權佢哋。
▼姆祿山國家公園風洞
跟住上返船後去第三個洞探險，風洞(Cave of the Winds)。 風洞嘅入口在山腰，要沿樓梯直上。顧名思義，呢個洞內真係比較乾爽。 洞內有一條長350米嘅棧道，部份位置較窄。 如果你想像力豐富，可以看到鐘乳石嘅唔同形態，有啲似駱駝，有舊似青蛙王子。
▼姆祿山國家公園風洞 – The King’s Chamber
最出名嘅係The King’s Chamber， 可看到帶着皇冠的國王和皇后一同望着對方。
▼姆祿山國家公園清水洞
▼姆祿山國家公園清水洞
坐着小船在行駛1分鐘， 便會到達清水洞(Clearwater Cave)的小碼頭。這邊有天然泳池，行完洞可以喺度暢泳。清水洞是世界十大最長洞穴之一。已探索的支流總長度達220公里。
▼姆祿山國家公園清水洞
小編認為4個洞中，最美麗和令人驚嘆的便是清水洞。在碼頭要走約200級樓梯才到清水洞的入口。洞內很大，要按着指示順時針走一圈。
▼姆祿山國家公園清水洞
一直往下走，過了橋，到了水溪旁。 水很冰涼清澈。
▼姆祿山國家公園清水洞
沿着梯級往上行，會看到洞的另一個入口。
▼姆祿山國家公園清水洞
旁邊有迷你的尖峰石林。
▼姆祿山國家公園清水洞
差不多到出口的位置，回頭一看下面的橋，很震撼！
▼姆祿山國家公園
沿着樓梯回到碼頭，乘着小船返回國家公園的入口，回想這兩天看到的洞穴， 大自然的鬼斧神工，真的令人驚嘆不已。我地係國家公園的餐廳內用過午飯，便返回酒店休息。
古晉 – 砂拉越的經濟中心
▼砂拉越州議會
第二朝早上乘飛機往砂拉越的經濟中心-古晉。因為一些不可預料的情況(小編確診)，我們在古晉遊玩時間只有一天。
▼古晉街上壁畫很多都以貓做題材
古晉名稱嘅由來是來自一口「古井」，華語的發音。 但因為Kuching和馬來文貓(Kucing) 的發音很相似，所以漸漸變成Cat City。 隨街也會看到貓的雕塑，甚至有一座貓博物館。
古晉景點
▼婆羅州文化博物館
婆羅州文化博物館
在古晉不得不去的是婆羅州文化博物館(Borneo Cultures Museum)。 即是全馬來西亞最大，全東南亞第二大的博物館，於2022年3月4日開幕。
▼婆羅州文化博物館
展覽館內分為四個主題，內裏有很多和參觀者互動的展品。
▼婆羅州文化博物館
小編最喜歡的是4樓展覽，是有關馬來西亞歷史的博物館。能了解馬來西亞的殖民文化，和獨立歷史。
▼實蒙谷人猿保育中心
實蒙谷人猿保育中心 (Semenggoh Orangutan Sanctuary)
紅毛猩猩 (Orangutan) 意思「森林中的人」，他們的基因跟人類有96%相似。 這個離市中心約45分鐘車程的保育中心，有指定餵食時間，但不一定會看到紅毛猩猩。
▼實蒙谷人猿保育中心
保育員說原來這片山林住了20多隻紅毛猩猩。他們可以自由走動。在Fruit Season 很少見到他們，但Off season因缺乏食物，會較多出現。
▼實蒙谷人猿保育中心
這次有幸看見一隻紅毛猩猩，他十六七歲左右。 紅毛猩猩平均壽命約40歲。雄性到了18歲， 臉上會長出厚厚的肉頗， 好不威風。
▼達魯哈納黃金橋
達魯哈納黃金橋 (Darul Hana Bridge)
▼古晉河濱公園
位於古晉河濱公園旁， 這條黃金橋於2017年11月對外開放。在橋上能看到古晉水上清真寺，亦能看到對岸砂拉越州議會。
▼古晉河濱公園
晚上，周議會外更有大型音樂噴泉匯演，是市民喜歡行逛的休憩地方。
*每逢星期一至星期四，8時30分至8時45分及9時30分至 9時45分，有兩場表演。每逢星期五至星期日，額外在10時30分至10時45分進行，共三場表演。
古晉美食
▼陽春台茶室
陽春台茶室 (Lau Ya Keng)
位於China Town 上帝廟對面的陽春台茶室， 就像一個美食廣場，必吃Satay、哥羅麵 (干撈麵)、砂拉越叻沙、粿什(kuehchap) 等等。
▼陽春台茶室
小編私心推介砂拉越叻沙，香料味濃郁，湯頭濃稠度適中，必試！
▼貓眼嶺海鮮中心，Topspots
貓眼嶺海鮮中心 (Bukit Mata Seafood Restaurant)
▼Topspots平民海鮮大排檔
Topspot 是一個在商場頂樓的平民海鮮大排檔。人客們會先找位置，然後派代表外出點餐。這個人氣極高，場面墟冚。
▼貓眼嶺海鮮中心 Oyster Pancake
點了一份Oyster Pancake，起初以為是煎蠔餅，原來和我想像有很大出入。硬脆的薄餅有啲似茶樓吃到的炸雲吞的皮，但比雲吞皮厚三倍，有啲似餅。咬落好似厚切薯片。超脆嘅pancake中間又有啲蠔粒，啲蠔俾我哋平時叫嘅蠔餅大隻得多，勁鮮。雖然好熱氣，但一定要試。
▼I.G. AIS KRIM亞答糖雪糕
I.G. AIS KRIM
亞答糖 Gula Apong 是砂拉越享負盛名的棕櫚糖，是從亞答樹，經過多重功夫，提煉出來的。這裏的亞塔糖雪糕，那種獨特的風味，香香的、甜甜的，也是必試。