鍾意行山嘅小編，登上東南亞最高峰係一直以來嘅夢想。登上山峰唔係想像咁困難，睇完以下遊記，可以幫你決定試唔試呢個挑戰！神山高4,092.5米， 擔心會有高原反應，為咗比自己適應高度，三日兩夜行程會較理想。
神山攻頂
▼ 馬來西亞Vlog 沙巴神山｜沙勞越｜雪蘭莪
▼神山日出
第一日先喺阿庇市中心做快速測試，因為上神山一定要有陰性證明先准入公園。由市中心坐車約兩個鐘，到達Pine Kinabalu Resort 下榻。
▼上山前檢測
▼京那巴魯松樹度假村
酒店位處海拔1,250米，外觀有啲似德國小木屋，唔少當地人前來避暑，來一趟小旅行，一家大細享受假期。房間設施較為簡陋，不過正嘅係，晚餐竟然係打邊爐！
▼京那巴魯松樹度假村火鍋晚餐
喺山腳下享受一頓最後晚餐，早早休息，聽日準備上山！
▼京那巴魯松樹度假村日出
第二朝6:45食早餐，食完早餐出發！坐車約10分鐘到達1,500米嘅神山公園辦事處，首先要填表進行填健康調查，然後等待派發午餐及登山證。如果擔心拎唔到咁多嘢上山，可購買挑夫服務，等人幫你揹上去。
▼神山挑夫服務
▼神山登山入口
8:30再坐車上1,800米嘅起點，8:45正式出發！今日嘅行程行6公里，上到位處3,272米嘅山上住宿。
▼神山登頂之旅
沿途有七個亭，中間每隔500米會有字標示距離和海拔。上山路況唔錯，好似行麥理浩徑咁，不過甚少平坦路段，大部份都係梯級。
▼神山登頂之旅
迎面見到落山嘅人，佢哋都係早一日登頂嘅遊客。個個都好Nice，好多會同你講Good luck，祝你上到山會見到靚景！而我哋都會同落山嘅人講congratulations，因為佢哋成功登頂，成個氣氛勁和諧！
▼神山登頂之旅
上到最後1公里，開始落起雨來， 不過無阻我哋上山嘅決心，3:45pm終於到達旅舍。
▼神山登頂之旅
終於到達下榻地方，3,272米！
▼旅舍餐廳窗外景色
▼神山山上住宿
▼神山公園新旅舍
地震後，近年山上新建了另一邊的旅舍，價錢較便宜。兩日一夜住宿連餐膳，430馬幣。
▼神山山上住宿晚餐
晚餐4:30-7:30pm 提供，膳食以自助餐形式進行，都好豐富！
▼神山山上住宿晚餐
山上天氣得10度左右，飲番杯沙巴紅茶就啱晒！
▼神山山上住宿宵夜
食飽就要爭取時間休息，因為第二朝兩點左右要開始攻頂。宵夜1:30am準時開始，餐廳已滿滿都係人，大家填飽肚子，都為接下來嘅挑戰做足準備。
▼神山登頂之旅
凌晨上山，要配戴頭燈，禦寒衣物。當晚月亮都幾光，天又清，唔使頭燈都睇到路。
▼神山登頂之旅
呢段路長2公里，要爬升約800米。山上長長的人龍大家目標只有一個，就係成功到頂。
▼神山登頂之旅
六點左右上到山，天開始光，今日天公做美，喺山頂望落山腳，景色壯麗，震撼人心！
▼神山山頂4,095.2米
我得左喇！遠眺甚至見到阿庇市中心，大地在我腳下嘅感覺，真係不枉此行。
▼神山山頂4,095.2米
▼神山山頂4,095.2米
靚景就睇完了，要落山了。有兩條路選擇，我哋揀咗沿路折返。落返山去旅舍食早餐。
▼神山登頂之旅
呢段路景色優美，但山上天氣極速變化，時晴時陰。
▼神山登頂之旅
我覺得整段最難捱嘅就係由旅舍落山， 漫長嘅樓梯都行唔完，正所謂上山容易落山難，落到腳震都未落到底。
▼神山登頂之旅終點
沿途冒着雨落山，好不容易折返人間。
▼神山山下午餐
整個package包埋喺公園內餐廳食飯， 簡單梳洗及食飯後，拎埋張證書，坐車返市區，完成神山攻頂之旅。
▼神山巨型豬籠草
上神山TIPS：記得帶定禦寒衣物、雨褸及雨傘，山上天氣變化好大，有備無患。頭燈、手套：晚上攻頂時用。行山鞋：山上落雨後樓梯濕滑，好嘅行山鞋防止滑到。行山杖：落山時超有用， 幫對腳卸力。
沙巴美食推介
▼怡豐茶室
1.怡豐茶室 (Kedai Kopi Yee Fung）
全馬來西亞四間餐廳入選Essence of Asia其中之一，當然係沙巴必食首選。湯頭係喇沙嘅靈魂，怡豐喇沙湯底味道適中，不會太重口味，也不會偏酸。
▼怡豐茶室
至於另一招牌怡豐牛雜， 配料有牛肚、牛丸、牛筋等，湯底略帶藥材味，味道濃郁。
▼發記魚雜專賣店
2. 發記魚雜專賣店 (Fatt Kee Seafood Restaurant)
以前要特登搭車去緊機場附近食嘅發記魚雜，而家喺KK市中心Suria Sabah都食到。第一次食，又怕魚多骨嘅朋友，可以食魚雜米粉+番茄湯底。
▼發記魚雜專賣店
湯底用鮮魚熬製，鮮甜美味。魚雜聽落以為係內臟，但其實係魚蛋魚片魚塊等用魚製成的材料，美味可口。難怪唔少名人都會慕名而來。
▼蟹皇海鮮餐廳
3. 蟹皇海鮮餐廳（The Crab House）
都係位於KK市中心Suria Sabah，叫得蟹皇，當然出名食蟹。該店肉蟹除咗用本地嘅，仲會每日空運印尼生猛大肉蟹。
▼蟹皇海鮮餐廳
14種不同烹調蟹嘅方式入面，必試推介辣子蟹，酸甜帶微辣嘅醬汁惹味可口，蟹肉鮮甜彈牙，果言新鮮。醬汁配上炸饅頭更係絕配，停唔到口，正！
沙巴玩樂推介
沙巴出名戶外活動，玩水嘅，可以出島浮潛睇珊瑚，遠啲可以去睇螢火蟲、長鼻猴等。近近地，市內都有唔少選擇。
▼半日包船玩樂體驗
1. 半日包船玩樂體驗 (KK YAHCT Pontoon Boat Rental)
在海上享受私人時間，可選擇喺東姑阿都拉曼國家公園停留，或直接到達海中心基地進行海上party。
▼東姑阿都拉曼國家公園
▼半日包船玩樂體驗
▼半日包船玩樂體驗
船上所有設施任玩，包括水上電單車、香蕉船、飛魚、玻璃獨木舟等活動，一次過滿足晒所有水上活動願望嘅包船體驗。
▼任玩水上活動
▼任玩水上活動
▼任玩水上活動
2.市內遊走
▼水上清真寺
位於加雅街水上清真寺係沙巴最大嘅清真寺，宏偉漂亮，市中心叫Grab到達。
▼鐘樓 – 殖民時代建築
▼沙巴州旅遊局 – 殖民時代建築
沙巴州旅遊局是三個僅存的殖民時代建築其中之一，除了拍攝外觀外，也可入去獲取旅遊資訊。
▼馬里馬里原住民文化村
3.馬里馬里原住民文化村 (Mari Mari Cultural Village)
距離沙巴是25分鐘車程，便會到達馬里馬里原住民文化村。
一個地方可以了解沙巴五大原住民部落的生活情況，包括文化、建築、服飾，品嚐特色小吃、米酒，亦有原住民表演，好似一個互動型的博物館，值得一去。
▼馬里馬里原住民文化村
▼馬里馬里原住民文化村
▼米酒釀製教學
▼原住民表演
酒店住宿
1.The Cara Hotel
2022年2月新開張嘅精品酒店。位於機場附近，房間走日系Wabi Sabi 風，房間簡約輕奢，每房配置打卡大浴缸，Twilight 主題房間內，更有打卡秋韆，豪華啲私人影院享受，啱晒一家大細家庭客。
▼Cara Hotel
▼Cara Hotel
2.the Atelier 玩藝旅舍
亦都係位於機場附近嘅特色精品酒店。呢間酒店仲有8種唔同風格的房間，每間都非常獨特，包括有以麵包店做主題同髮型屋做主題的房間，玩味十足，打卡一流。
▼the Atelier 玩藝旅舍
▼the Atelier 麵包店主題房間
▼the Atelier 髮型屋主題房間
3.The Luma Hotel
2022年2月新開酒店。以熱帶雨林做主題嘅The Luma Hotel，一入到去就有置身於大自然嘅感覺，成間酒店走奢華木系風，俾人一種脫離繁囂，自然嘅感覺。
▼The Luma Hotel
▼The Luma Hotel 大堂
▼The Luma Hotel 大堂
▼The Luma Hotel 客房
4.Shangri-La Tanjung Aru, Kota Kinabalu
香格里拉呢間位於Tanjung Aru嘅度假酒店，距離市中心同機場都只係15分鐘車程。佔地面積超大，有打卡無邊際泳池，兒童水上樂園等。走廊雖略帶歷史感，但房間剛翻新，新淨舒適，亦空間感十足。
▼丹絨亞路香格里拉水療渡假村房間
▼香格里拉水療渡假村內水上樂園
▼無邊際泳池
▼SPA獨立屋
Tanjung Aru 沙灘是世界上欣賞美麗夕陽嘅勝地。位於酒店內的Sun Set Bar，飲杯Cocktail，欣賞夕陽美景，超浪漫！
▼Sunset Bar欣賞日落
▼Sunset Bar欣賞日落
