每年11月到3月都係韓國滑雪旺季，唔少香港人都會係哩段期間飛去韓國滑返夠本！小編幫大家整合咗韓國滑雪攻略俾大家！新手去韓國去滑雪需知，仲有熱門滑雪場推介！
韓國滑雪攻略整合
韓國最佳滑雪月份
每年11月到3月都係韓國嘅雪季，因應無年嘅天氣同降雪量都唔一樣，小編就建議大家12月至2月尾去就最好！等滑雪有足夠嘅厚厚積雪，滑都滑得過癮啲！
新手滑雪需知
韓國嘅冬天非常之凍，雖然滑雪都係運動，但係衣服穿搭上都要注意保暖、排汗同防風防水。另外切勿著得太過臃腫，如果唔係嘅話滑雪過程會變得非常危險！下身盡量著運動服飾就夠哂靈活！
新手嘅你唔需要額外買任何裝備，因為滑雪都會有滑雪裝備租借，但留意返旺季係非常多人會去滑雪，如果想租套靚少少嘅滑雪裝備，就要早啲去到喇！
韓國滑雪場分布
韓國主要同熱門嘅滑雪場集中喺江原道同京畿道兩個地區。江原道擁有厚厚積雪，而且為於山勢高地，啱晒經驗老手去追求滑雪嘅刺激感，所以每年都有好多海外或者本地嘅遊客慕名而來。而京畿道位置就相對鄰近首爾，車程比較短，所以受一家大細嘅遊客歡迎！
韓國熱門滑雪場推介
Elysian江村滑雪場 엘리시안 강촌 스키장
Elysian江村滑雪場佔地超過200公頃，位於韓國江原道春川，距離首爾市只需大約1小時多車程。滑雪場更加係韓國唯一可以搭地鐵可以到達嘅滑雪場度假村，夠哂方便！
滑雪場非常適合滑雪新手，有8條初至中級嘅雪道可以選擇！如果想跟專業教練學下滑雪，可以考慮預訂滑雪一天團，幫你短時間內學識滑雪！
- 營業時間：09:00–24:00
- 雪場地址：江原道春川市南山面北漢江邊街688 (南山面)
- 交通資訊：搭京春線地鐵至「白楊里站」轉搭接駁車
於龍山或清涼里搭乘火車ITX青春列車至江村站，轉搭接駁車
洪川大明維爾瓦第滑雪場 비발디 파크 스키월드
洪川大明維瓦爾第度滑雪場距離首爾市中心大約 80 分鐘車程，除左滑雪之外，唔少人都會選擇係入面嘅度假村住返晚。哩到最出名嘅唔單只係擁有先進嘅設備同多種斜度嘅雪道，更加係人氣韓劇《南海傳說》嘅取景地之一！
如果你帶埋小朋友去嘅話，可以去埋冰雪王國 Snowy Land 玩其他雪上活動！
Elysian江村滑雪場
- 營業時間：10:00–22:00
- 雪場地址：江原道洪川郡西面寒峙谷街 262
- 交通資訊：搭乘東首爾長途巴士客運站到洪川，並在洪川搭乘市區公車至大明維瓦第公園渡假村即可抵達。
芝山度假村滑雪場 지산포레스트리조트스키장
芝山度假村滑雪場一定係最多香港人去過嘅滑雪場，佢位於京畿道利川市，距離首爾大約40分鐘車程，非常之近。有7條主滑雪道和3條輔助滑雪道，所有雪道都可以用滑雪板。雖然面積唔算好大，但勝在近首爾，附近仲有愛寶樂園等景點，貪心啲可以一日去晒幾個景點！
芝山度假村滑雪場
- 營業時間：09:00–04:00
- 雪場地址：京畿道利川市麻長面蟹越里28-1
- 交通資訊：
地鐵2號線江邊站東首爾巴士總站，搭乘往利川巴士→ 利川市外巴士總站下車→ 轉乘12號巴士→ 芝山森林度假村下車(大約40分鐘車程)
地鐵3號線1號出口江南高速巴士總站，搭乘往利川巴士→ 利川市外巴士總站下車→ 轉乘12號巴士→ 芝山森林度假村下車 (大約40分鐘車程)
平昌 Alpensia 阿爾卑西亞滑雪度假村
Alpensia阿爾卑西亞滑雪場係2018年韓國冬季奧運舉辦場地，雪場嘅規格、施設同其他配套絕對係世界級！雪場有6條滑雪道，除左有長1.4公里嘅初學至中約難度嘅雪道外，仲有專為經驗老手而設嘅滑雪道！有滑開雪又想追求刺激嘅你，Alpensia阿爾卑西亞滑雪場絕對係你嘅首選！
Alpensia阿爾卑西亞滑雪場
- 營業時間：09:00–22:00
- 雪場地址：江原道平昌郡大關嶺面率峰路 325 (水下里 240-19)
- 交通資訊：
首爾「上鳳站 상봉역」搭乘京江線 KTX 至「珍富站 (진부(오대산)역)」，轉搭的士
從「東首爾綜合巴士站 동서울종합터미널」搭乘高速巴士約 2 個半小時至「 珍富公用巴士站 진부공용버스 」，轉搭的士
HIGH 1滑雪場 하이원리조트 스키장
如果你想一次過享受度假同滑雪體驗，一定要去韓國人氣No.1 嘅HIGH 1 滑雪場！哩到集溫泉、賭場、主題式公園一身滑，具有國際滑雪聯盟(FIS)公認嘅大賽標準滑道，亦係南韓滑雪國家選手嘅指定練習場地。同時係全韓國唯一設有賭場嘅滑雪場，入去住返幾晚，肯定唔捨得走！
HIGH 1 滑雪場
- 營業時間：08:30–19:00
- 雪場地址：江原道旌善郡古汗邑High 1街500 (古汗邑)
- 交通資訊：
搭乘首爾地鐵到江邊站 (Gangbyeon)，再到對面東首爾巴士客運站搭乘巴士至古汗公車站（신고한），最後轉搭的士
龍平度假村滑雪場 용평리조트스키장
同樣係平昌冬奧會的指定滑雪場地嘅龍平度假村滑雪場，由1975年開始營業，係韓國第一座擁有現代設施嘅滑雪場，成為推動韓國滑雪發展同大眾化嘅一大主要滑雪勝地。舉辦過多個國際賽事嘅龍平度假村滑雪場，擁有28條唔同難度嘅滑雪道、單程長3.7km嘅纜車等14座吊纜設施，規模大到不得了！
龍平度假村滑雪場
- 營業時間：09:00–23:00
- 雪場地址：江原道平昌郡大關嶺面奧林匹克路715 (大關嶺面)
- 交通資訊：
東首爾客運巴士站乘開往橫溪巴士， 在橫溪市外客運巴士站旁橫溪郵局轉乘龍平渡假村的免費接駁車