The Deck 玲瓏堂岩岩先開返,同大家實測一下最新國泰lounge重開既情況。The Deck 係6號閘旁邊,而由於the pier變左只係比頭等 / Diamond / Emerald 客人,如果登機閘係1至20號,最近既國泰Lounge就係The Deck。呢個係國泰疫情前最新落成既lounge,採用最新既一貫設計,主打家居感。
香港機場國泰The Deck 玲瓏堂貴賓室重開實測
對比其他貴賓室,The Deck 玲瓏堂比小編既感覺比較似一間「屋」。以客廳黎形容「玲瓏堂」可能更為貼切,裡面既家具設計實用,採用暖色天然物料為主,營造家一般既溫暖感覺;加上周邊既藝術擺設、音樂同埋香氛,上機前想抖下可以黎呢度。
國泰不定期會推出會籍匹配活動 (Status Match),接受其他航空公司會暫持有人申請。成功批核後,將會獲得一定時間的對等國泰會籍福利,包括使用貴賓室、優先check in等,目的旨在吸納其他航空公司的飛行常客 (詳情)。
▼The Deck 玲瓏堂貴賓室門口
▼早上亦有提供酒精飲品
國泰The Deck 玲瓏堂餐飲
如果有去過國泰其他貴賓室,應該對雲吞麵、四川擔擔麵、新加坡叻沙、魚蛋粉等等唔會太陌生。至於功能上同其他Lounge差唔多,都係有分休息區、用餐區等等。Buffet食物選擇唔太多,估唔到朝早都有sparkling wine 同本地手工啤供應。
貴賓室同樣設有「風味坊」(Noodle Bar),以開放式廚房設計,推介食即製擔擔麵同雲吞麵。
▼The Deck 玲瓏堂貴賓室「風味坊」(Noodle Bar)
▼推介雲吞麵、四川擔擔麵
▼The Deck 玲瓏堂貴賓室「風味坊」(Noodle Bar)
▼The Deck 玲瓏堂貴賓室「風味坊」(Noodle Bar)
▼The Deck 玲瓏堂貴賓室自助區域
▼The Deck 玲瓏堂貴賓室自助區域
行哂成個貴賓室,小編最鐘意開放式露台設計。一邊飲住香檳、一邊飽覽客運大樓既繁忙情景,感覺都幾特別!
對比65閘既The Pier,The Deck唔係密閉空間,可以望到下面既旅客同埋飛機,視野相當開揚。但一如佢個名,呢度真係比較「玲瓏」,面積唔算大,小編朝早黎到,人潮都幾多下,呢點要留意。
▼The Deck 玲瓏堂貴賓室開放式設計
▼The Deck 玲瓏堂貴賓室開放式設計 (照片為剛開幕時拍攝)
▼The Deck 玲瓏堂貴賓室
▼The Deck 玲瓏堂貴賓室 (照片為剛開幕時拍攝)
▼The Deck 玲瓏堂貴賓室休息區 (照片為剛開幕時拍攝)
▼The Deck 玲瓏堂貴賓室
▼The Deck 玲瓏堂貴賓室
The Deck 玲瓏堂
- 使用資格:頭等及商務客艙旅客、特選國泰會員及「寰宇一家」飛行常客
- 開放時間:每日05:30 至 00:30
- 位置:一號客運大樓7樓鄰近6號登機閘口
【免費入機場Lounge 信用卡】5大機場貴賓室信用卡比較
去旅行入機場貴賓室 (Lounge) 並非頭等艙乘客專利,其實AE同滙豐等銀行都有同貴賓室合作,指定信用卡持有人毋須簽帳,都可免費入lounge。部分信用卡申請門檻低,甚至可以申請附屬卡,同親友一齊免費入環亞機場貴賓室 (Plaza Premium Lounge) 歎魚蛋粉。申請定,下次搭廉航出發前都可以先入lounge食飽抖夠先上機。