飛韓國嘅平機票多到花多眼亂!尤其首爾線競爭最大,總共有十間航空公司有飛!到底飛韓國嘅優惠機票幾時入手平飛好?坐邊間航空性價比最高?希望睇完小編Update嘅韓國平飛攻略,可以幫你搵到答案喇!
更新日期:2019年12月31日
注:以下所提及的價錢為來回連稅價錢,個別廉航未包寄艙行李費,以淡季作標準。價錢及建議是小編個人之經驗,只作參考用途。
最低價:過去一年以來嘅最平價錢,可遇不可求。
入手價:搵機票個陣見到呢個價都叫做唔錯,買得過。
正常價:平時無優惠做緊嘅正常價錢。
首爾
首爾特價機票方面,今年真係可以話係相當精彩的一年!當中以韓亞航空一枝獨秀,連續出咗幾次激抵嘅dream fare票價,飛首爾來回連稅平到去$1,408 咋!航班時間可以凌晨機去晚機返,仲包埋暑假日子同埋23KG寄艙行李添!佢岩岩仲乘勝追擊,出咗個史上最平嘅快閃價,夠膽賣到去連稅$1,280!真係好癲啊!至於韓亞嘅難兄難弟大韓航空相對上就無咁積極,最低劈到去連稅價$1,554!不過比起之前都算平咗好多!
相比之下,國泰航空就比較靜,只係出過一次抵買的fanfares優惠連稅$1,695!而港航雖然係最平,而且自八月起寄艙行李加到去30KG,但佢呢排咁多新聞,真係買唔落手啊!
廉航方面,今年首爾航空好有驚喜,出咗個單程十蚊嘅爆抵sale!連稅都係$729,仲可以凌晨機去晚機返!不過行李就貴少少,15KG都要$402!
濟州航空嘅優惠出得都算幾密,基本上一個月都有兩至三次,最平$1,088而且包15KG行李!不過留意返,佢地啲優惠一時會包行李,一時唔會包,所以買嘅時候要認真望望啊!值得一提嘅係佢地有時會有旺季平飛優惠,例如櫻花季及暑假檔期,呢啲日子超抵買,但以經驗講平飛唔多,入手價為$1,200!HK Express雖然話就話一星期出一次優惠,但都無特別平,不過小編睇返近期首爾價錢有少少回落,去返一千樓下!今年最低價$986,平時入手價預$1,200左右。
宜家得返真航空一定會包行李,而且一年會出2次年度大促銷,今年最平$1,118有交易,但航班時間認真麻麻,只得午去早返,除非果期無咩優惠先考慮下;今年德威航空加入埋首爾線,最平都係$1,080而且無行李,無咩特別!易斯達航空十一月出咗個優惠,連稅$878算係近期靚價!
釜山
至於釜山機票方面,傳統航空得返港龍一間,想等優惠就要捕實fanfares,不過都唔會有太多優惠,今年最平$2,045!
釜山航空最平$912,不過佢勝在航班時間靚,凌晨機去晚機返,平常優惠入手價預$1,200。至於HK Express嘅優惠大約一星期見一次,不過要等到入手價$1,200左右先好落訂!
濟州
今年HK Express嘅濟州線價錢都係差唔多,係有一次特別平連稅$778,但係航班時間只限凌晨機去超早機返!至於濟州航空今年就貴咗啲啲,年度大優惠都要$875,但係航班時間超靚係凌晨機去晚機返!
而港龍航空就要等fanfares,來回連稅最平$2,300,所以都係等廉航優惠啦。
大邱線只有德威航空執飛,今年只係出過一次優惠,連稅最低價錢要$1,106,不過獨市航線真係無計,見到有優惠要即刻入手啊!
***結論:
1) 想揀靚時間航班飛首爾,建議捕實韓亞/大韓優惠,可以平到去千四有交易,去到千八樓下都值得入手!
2) 廉航方面,今年吸引力大減!不過如果捕到啲年度激劈價優惠,好似首爾航空連稅$729就唔同講法喇!
3) 想平飛濟州,都一定係揀濟州航空,平得嚟航班時間又夠靚!
其他平飛攻略:
日本平機票攻略
台灣平機票攻略
東南亞平機票攻略
澳紐平機票攻略
歐洲平機票攻略
美加平機票攻略
71 comments
想去斧山睇櫻花,2人,請問幾時買机票同那間最抵?
hkexpress
宜家要買了
5,6月想去首爾,想知幾時買機票同幾錢入手好?
而家買都得~ 基本上D 傳統航空公司出哂優惠~ 傳統航空公司$2,300 左右連稅,想再平D 就等廉航優惠啦
我喺永安執到筍嘢呀!六月尾去韓國坐國泰凌晨機去,夜晚機返,去五日連埋三星酒店同朋友都係每人畀三千七鬆啲咋!
四月尾到五月頭搭真航空係咪可以等下佢減?
一半半啦~佢都好耐無做減價了
請問暑假期間大韓航空機票幾時員好,現在買$3650,如果27/8先出發就$2450平好多,現在買是否好時機?
暑假出發的話而家買就得架啦~
如果7月中左右去仁川, 依加HK express $1700左右
係咪仲可以等佢減下?
Hk Express 根據以往經驗,唔會減暑假,呢個價都叫做OK
你好,想問下如果想2017年6月頭到open jaw釜山入首爾走,$2507值得入手嘛?
咩airline?
國泰的話都差唔多
如果想四月十九號出發,四月二十三返,早去中午返,邊間航空平
心諗傳統或hkexpress
hkexpress
一千蚊內入手
你好,想問下如果想2017年12月20日至12月31日到韓國(早去晚邊)
open jaw釜山入首爾走,最早可以要幾時訂,邊間低
而家已經可以訂到,得大韓同hk express D 時間靚少少~
你好,我想問如果我12月14日至12月21日出發去首爾,依家國泰價係$3200左右連稅。係時候入手?定係遲啲會減價?
入得手架啦,去到而家都唔減遲下都難D 減。
你好,我想問下下年2018 6月中出發去首爾,應該幾時買機票? 同埋咩時間既航班最好?
有優惠就買啦
時間大家都鍾意凌晨機去晚機返既~~^^
你好,我想問如果1月5日至1月15日去首爾hkexpress 而家最平見倒$996左右 入唔入手好?
入得手!
想4月頭去,釜山入首爾出
應該買邊間同入手價係?
復活假無優惠啦
你睇下HK Express連稅約$2,800啦
8月13日出發去首爾,呢兩個月的價位都是$2300,係時候入手嗎?
如果係傳統航空加連稅價嘅話算抵~
但係 Air Asia只餘淩晨機,有老人家小孩不合,韓亞,大韓遲D會否sales?
3月尾,air Seoul 大概$3000/2 個人,抵買嗎? 定係等hk express 再mega sale? 不過hk express 回程得下午。
Thanks.
都OK丫~因為佢時間靚又包15KG
6月5至13 計劃去首爾,最平嘅機票會大概咩價位和相關優惠航空公司
另外,見到依家韓亞機票連稅大概1963,值唔值得入手
如果入手見到佢包20k行李,有冇得另外加買行李重量?
謝謝!
最平嘅機票會大概咩價位和相關優惠航空公司
~你睇番表就OK 以上都係淡季出發價(你個日子都係)
~韓亞呢個價都OK的~同埋係包23KG 行李~無加再加行李當超重
12月22-26計劃去首爾, 如果香港航空3200左右一位會唔會太貴?大約幾時會有平機票?THX
呢個價錢差不多了,因為聖誕紅日基本上唔會點出Promo
8月26-30計劃去濟洲,HK Express 宜家做緊$1168,有冇機會再平?應否入手?
入得啦 暑假尾都未必有平啦
你好!
9月9 – 13 / 9月16 -20 飛首爾
因為想坐早機去, 下午機返, 得國泰同HK Express, 但國泰要 $3500 太貴, 所以得返HK Express 簡
HK Express 加AE discount $1700 (連稅+行李) 入手嗎? 會唔會8月有可能出Promotion ? thanks.
逢星期一都有優惠,你可以睇下,$1700連稅連行李唔算太貴
想19年1月去韓國,幾時買好?
明年平飛未開賣~等優惠
24 Dec to 27 Dec 去首爾揀 Hk Express (3大1小)10600 定首爾航空 11600?
睇航班時間為主,如果HKE又平,時間又靚!咁揀前者都好!
如果想出年2月8日至2月12日去Seoul, 國泰來回要$6000,大韓$5500,韓亞$4500,依家應該入手嗎?
入得手,因為永遠唔會減。
請問19/4-24/4去首爾,宜家大韓3300幾蚊,宜家應該入手嗎?
麻麻地WOR!
應該幾時買好?
復活節首爾機票大概幾錢先抵買?謝謝
你預廉航都要2千幾以上呀!!傳統航空應該就3至4千以上!
明年一月去釜山,傳統航空幾時買好?
宜家釜山航空有優惠 你可以睇下
2019年4月尾復活節假期時係咪應該冇櫻花睇了?
幾時買機票先係最抵?both傳統及廉航航空(凌晨機去旁晚返)幾錢左右?
復活節無得平~愈早買愈好~凌晨機去旁晚返預2千蚊到~未包行李!
你好!
請問2019年暑假7月22日
大韓: 大人$2834 小朋友$2124
可以買嗎?
要呢個價呀!暑假出發^^
你好!2019年7月8號出發,國泰2800可以入手嗎? 遲啲買會有優惠嗎? 謝謝!
有無睇埋大韓同韓亞呀?
請問5月11號去濟洲買hkexpress,19號返現正買冇平?定係遲的的再有推廣優惠?
你宜家睇左幾多錢呀?
想問5月1號韓亞零晨機去晚返連稅$2138可以買得嗎?還是仲有下調空間
買得過!
Air Seoul 六月頭 ard $1800包15kg來回買得過?
no~~$1800寧願俾貴少少坐返韓亞同大韓!
請問濟洲 Jeju air入手價係包左行李未?
未
想問10月19左右出發去7-8日
幾錢叫入手價?
見到jeju air 2000蚊包稅包行李 抵嗎
廉航未包連稅$1,200到
傳統航空就$2,000-$2,200到啦 (包23或30KG行李)
如果2020年前新年期間撘快運(28/1-1/2) 3500左右 去20kg 番30kg ,早機去晚機番買五買得過
差唔多,因為新年係一年最貴的時間
好多由香港出發既機既比較, 非常好. 今次想問問由釜山來回福岡.
釜山航空, 濟洲航空, 大韓航空係咩入手價? 想1 TRIP 玩2地.
釜山計埋行李要成1200, 超貴. 只係比大韓差2舊水…
新手第1次去韓國, 請指教. 謝謝
你意思1 trip 2地係玩釜山+福岡?
咁留意hkexpress每星期優惠啦。來回機票連稅應該$1,200至$1,400到