呢一年度台灣特價機票真係可以話係驚喜全無！以前飛台灣一千頭已經好多台灣機票優惠選擇，宜家搵到千二千三都算係咁！雖然幾間航空繼續有做全年平機票優惠，不過宜家點樣先叫平？最低價又係幾多？一於睇埋落去啦！
最後更新：2019年12月18日
注：以下所提及的價錢為來回連稅價錢，及未包廉航寄艙行李費，以淡季作標準。價錢及建議是小編個人之經驗，只作參考用途。
最低價：過去一年以來嘅最平價錢，可遇不可求。
入手價：搵機票個陣見到呢個價都叫做唔錯，買得過。
正常價：平時無優惠做緊嘅正常價錢
自從上年11月頭加咗燃油附加費後，台灣嘅機票可以話係首當其衝，之後一直都無咩點平過！最平已經係五月嘅時候港航連稅齊頭一千蚊平飛，再見唔到幾百蚊嘅平飛喇！不過就算有……大家可能都未必敢坐啊！講返港航平常優惠價錢約$1,200左右，而且行李加咗有30KG行李，航班時間差唔哂可晚去晚返。
不過想坐得安心啲嘅，坐兩間台籍航空公司都唔使加好多！好似長榮就試過平到去連稅$1,150吸客！航班時間有好多選擇，仲可以早機去晚機返添！平時優惠價都係喺$1,250至$1,350之間！而且由七月開始，台港線仲採用返Hello Kitty機！至於中華航空價錢上就相對穩定，一般都係維持喺千三內，就算優惠都唔會減到好多，今年最平都係去到$1,201！
至於國泰/港龍今年就無咩聲氣，一般都要千四千五蚊，貴其他對手二百蚊左右！最平去到$1,299咋！
至於高雄線就只有華航及國泰港龍航空執飛，相對會比較少優惠，華航優惠價千三左右，係得一次賣得平過千二，連稅$1,178！至於港龍計埋Fanfares都只係出咗五次優惠，全部都係連稅千四多啲，最平$1,467！
台中機票比以前貴咗好多呀！以華航為例子，之前機票價錢拍得住台北咁平，不過今年最低價都要$1,299，差一蚊失守千三大關！而港龍直頭無出過任何優惠。建議大家可以open jaw唔同城市來回，例如台北入、台中走，玩多個城市又唔會貴好多！
而廉航HK Express更加令人失望！以前可以平到去連稅$510，宜家最平最平都要$704，平時平過一千蚊已經算係抵可以入手喇！
台南得華航獨市直飛，一向都好少有平，最平已經係5月時嘅來回台北/台中/高雄/台南只需$650 (連稅$1,299)，平時入手價預$1,400左右！有時間嘅話可以搭華航open jaw玩埋呢個城市啊！
***結論
1) 買至平嘅台北機票，最抵嘅仍然係港航，不過佢呢排實在太多傳聞，小編覺得唔係特別抵就唔好搏喇！
2) 長榮/華航/國泰都有全年優惠，如果提早買定飛一般價錢都會幾好！長榮近排可以捕下佢啲Last minute優惠，有時都有驚喜架！
3) 環台遊，只需要留意華航及國泰/港龍，得佢地可以不同城市來回。去台灣悶悶地，可以玩下啲新地方！
4) 想遊台多過一星期，可以直接揀長榮/華航或HKExpress (視乎優惠而定)，其他兩間航空停留期限一般得2至7日。
其他平飛攻略：
日本平機票攻略
韓國平機票攻略
東南亞平機票攻略
澳紐平機票攻略
歐洲平機票攻略
美加平機票攻略
188 comments
香港航空週末折扣代碼可以係官網邊度攞到?
2016年開始就無左個週末折扣了 🙁
請問我想買2張單程台北番香港 一張7月尾一張9月頭 係咪都係而家可以入手啦? THX!
係呀，因為單程好少有減架。
我想問5月6~10飛台中。。。1290值唔值得入手。。。定係可以等下先。。。
如果唔係HK express 的話可以入手。
我5月26去台中，31回港，邊間平D
最平肯定係hk express 同埋華航~
我6月30去台中，4回港，邊間平D
HK express 多數最平
我想問7月21-25 早機去晚機返
而家見到都要成1500蚊
係唔係算比較貴呀?
會唔會有第2度平D?
會唔會有另一D優惠?
暑假好少有優惠，而家港航官網有隻係連稅$1,100 既，不過要晚機出發。
6月3日至5日去台北，想早機去晚機返，宜家票價票成1600連稅，貴左甘多既？
因為踩住weekend 嘛，同埋而家都5月中了。
7月尾去8月頭番 早去晚回連税接近千八蚊
係正常定偏貴？
係正常，唔算貴。
我十月十八日要去台北三日，看到港航現在是連稅$991，可以入手嗎？會不會太早？因為是淡季，還是等到九月會不會可能有速銷？
絕對入得手，呢個價錢已經算好抵架啦!
我想問下如果10月9-18日,台中去，台北返，邊到會最抵啊？
我見華航要千七，係咪已經最平喇？thanks！
你逗留期超過7日的話唔會有航空公司有減價架~ 華航千七應該係最平~
10月中既台南機票 華航$1500係咪算ok?! thanks
算OK 呀!
我10月8-10出發台北，早去晚返，間間都成3千咁濟…點先搵到平啲？
你去個幾日係紅日黎
無平
8月14-9月1 … 兩張單程定來回會平啲？ +其實有無話邊個機場會平啲，可以搭番火車落去?
來回
hkepxress吧
9-16/8見到凌晨機 早機返 港航 $1090包稅
入手嗎? 謝謝你
入得手啦！
如果9月9日去，去到9月尾大約，買邊間好，飛去台中最好，但taipei都得。我見長榮係1280
咁長榮係最好
我見優惠去到0807係咪冇哂啦？
係呀 🙁
如果9月頭去高雄,早機去晚機番連稅$1500,
係咪算ok?! thanks
貴 但都無計 🙁
有冇香港去高雄年票
你要睇下華航有無啊
9月15～20，午機去午機返，香港航空，連稅＄1167，買唔買得過？
麻麻地 你睇下長榮
5/25-5/30 長榮連稅$1056，買得過嗎?
謝謝。
梗係買得過
我想12月26~30日去台北
請問正常咩價位？ 頭先見華航連稅要2100/位
唔該曬
你預$1,600-$1,800啦~
睇埋港航同長榮價錢啦
請問下年2017年4 月26出發, 5月4 返飛台北
如果買長榮, (2人)$2300 貴嘛?
幾時買先抵?
如果飛台中, 邊間先抵?
唔該哂
$2300 係1個人價錢??咁就有D貴 雖然係5月1假~你比較埋港航同華航啦
台中都係得HKEXPRESS/華航/國泰/港龍航空
你好，5個人10月14至17， 台北4天，如果想早去晚返，依家間間好似都$1200以上，依家買定有得得下優惠呢。謝謝
你比較哂長榮 港航 華航未??依家入手差唔多架啦
我12月26-30日去台北, 見長榮港航越來越貴, 去到連稅要成2500-2700! 上年我也是大概這個時候買去台北差不多時段的機票, 大概只是1800 (長榮). 價錢有機會在十月再跌嗎? 應觀望到何時才入手? 謝謝!
係呀！唔會再跌架啦！因為係旺季
如果2017年6月中去 幾時好同埋買邊間航空 同埋大概幾多錢先好入手?
港航吧！去到下年1月再睇留意下
900蚊入手
想問暑假4/14–4/18 去台北, 幾時入手, 幾錢到? 謝謝
是復活節才對
復活節無優惠架~
1500左右吧
11月想揾個星期五收工即飛三日兩夜台北，應該買邊間航空公司好？謝謝
香港航空
想問11月22-25日去台北，長榮$1284，可入手嗎? 謝謝～
差唔多了 咁last minute 買
請問我14-21/4/16去台灣，大約幾錢入手好呀？謝謝！
1千蚊內都ok
我想問，我17年4月想單程台北但見間間都1500up，點先最平應該？定我等下有冇優惠會好d?
等下港航出單程優惠啦
請問31/3~3/4 台北點買最平?
較親都要大概$1500~1600
唔該晒
因為踩住公眾假呀~所以好難有平，唯有用下D 信用卡個D code 減下平多一百二百
我想問30/6-2/7台北三天，几時会出平机票，900元連税，有無？
踩住公眾假個D好難低過一千
想問依家買17年1月21至31 邊間平或優惠d？
通常都係港航/華航~不過踩住農曆年預左要貴D 架啦
出年1月22至25搭香港航空去台北來回1400蚊算平嗎？
香港航空係咪每個星期都會出優惠？我試過見佢最後2張平機票，我驚冇晒即刻買左，到幾日後都係仲有果張平機票同突然有返早機優惠囉….
邊間會平d架？謝謝！
港航通常都係最平，$1400 呢個價一般啦~佢唔係每星期都會出優惠既，只不過個D 咩最後兩張平飛個D好難講，有時佢無啦啦會放多左飛出黎＿
我本來係hk expree搵到$1700左右來回，comfirm credit card 個陣突然升價買唔到，變左$2100，請問點解會咁？之後會唔會平翻？
因為你俾錢慢得滯~有人搶左你張飛
你好！本人想暑假去台北，一行20人，港航1700至2000，抵嗎？ 另外，甚樣可以一次過買20張票呢？
唔太抵～千六樓下先叫做OK～你分開訂單就可以訂２０張機票架啦，如果你一定要20 張機票係同一訂單的話就要打去hotline 訂團體飛，不過價錢會貴D
你好，本人八月去台北七大三小，港航$1700 ok嗎？定遲D訂
買得過~
hi admin 想問下6月中去台北 國泰$1209早去晚翻 算唔算抵?
定係睇定啲仲有無得平?
算平架啦，難啲會有再平
hi admin 想問下7月20飛台北 早機去晚機返 長榮價錢2200買唔買得過？
貴係貴左啲不過難D 有減價 🙁
7月頭飛1148入唔入手好
入得！
補:1148 1人 hkexpress連稅同來回40kg仲入唔入好
想問下高雄暑假8月9至15，華航15xx-17xx 買得過嗎?還是應該再等？
暑假差唔多了
港航5月頭(無包公眾假期果幾日)$1,1XX 買得過嗎？
可以接受～
Hi，23~27/10兩大一手抱去台北，長榮2700，請問抵買嗎？
算係OK啦!
我想在9月8日買單程機票到台中，hk express 7公斤手提加20公斤行李，812元，如何呢？
唔平
如果想買5月22-29日去花蓮或台中，還應該再等hkexpress的sale嗎?
梗係等~黎緊星期一都有啦
計劃9月中去台北，見到港航$11xx早機去中午機走，請問買唔買得過？還是再得下次promo?
買得過~ 因為台北線靚時間個D 航班好難會有特別再平
https://flyday.hk/%E4%B8%80%E5%AE%B6%E4%BA%BA%E6%97%85%E8%A1%8C%E5%96%9C%E8%A8%8A-%E6%9A%91%E5%81%87%E5%87%BA%E7%99%BC%E5%8F%B2%E4%B8%8A%E6%9C%80%E5%B9%B3-%E9%95%B7%E6%A6%AE%E8%88%AA%E7%A9%BA%E4%BE%86%E5%9B%9E%E5%8F%B0%E5%8C%97895 呢個最抵～
想問12月23-29去台北，機票3大1小，CX$8780，早去晚返。入得過嗎？
旺季無辦法，好難答你，因為基本上唔會減
我8月頭去4日台北，間間都千六蚊附近，我揀唔落手，揀邊間好D?Thx
長榮/國泰比較好啲～
想問出年復活節紅日4日假期 華信 $18xx 左右 入手可以嗎？算平嗎？
算平，唔洗諗即買。
11月11-13 去台北 港航 $1344 買唔買得過？定再等下？
買得過，因為D 優惠都出哂架啦，好難會再減
你好
請問11月去台北華航折左2623兩位算唔算平？
靚時間的話都OK
你好
請問30/3 – 4/4去台北，5大1 細，國泰大約$15500左右，值得入手嗎???還是再等?
復活節出發唔洗等架啦，直接買就得
復活節，算係合理價
你好
請問出年30/3 – 4/4 去台北，5大1細，CX$15500，早去晩返，可以買得過嗎???
你好
想聖誕22/12 – 26/12去台北，晚機去晚機返，長榮琴日睇有$32xx，但今日就無左，應該要等等定買其他更貴的? 睇過其他航空都要三千幾
可以望多一星期睇下佢會唔會減返價先
你好 想要請問18年6月尾 華航大約$1150
應該入手還是再等優惠？我見呢幾個月都來來去去都係全年優惠。
已算抵
4人於21/2/2018 或 22/2/2018 由香港去高碓, 其中3人於25/2/2018返香港, 另1人於30/6/2018才返香港. 點買機票最抵?
高雄睇華航，買果時要分開買，第四個人stay耐啲，佢張機票會貴啲
想2018年1月中去台北 想問下若果早機去晚機番 機票大若係咩價先抵
見到$1,300幾，個價都Ok
April 4-11 國泰1300值得入手嗎
ok丫
你好 想請問4月3號至7號，3大1小長榮航空早去晩返＄8475連稅貴嗎？是否可以再等下？謝謝
唔貴呀，復活節喎
hello,想問5月中後去台南高雄，幾錢合理？
$1200 連稅左右
8月10-16 長榮 早去晩返 1738 平嗎
係咪可以再等下？謝謝
暑假無平架啦
hello 想問下復活節期
4月5到8號,要近2000來回算唔算好貴?
Hi
想問如果月尾去台灣
機票大約幾多錢?
7月尾 二千到啦
想誇年去台北，2145 CX 入5入得手?
可以，跨年基本上無優惠
你好，10月5-10月8去台北，華航千一連稅，國泰千三連稅。想問應唔應該入手，定係可以再等下帶機會有平啲？唔該～
年尾12月8～11日 $1148 華航抵嗎？
抵!入手
請問ＨＫＥＸＰＲＥＳＳ單人台中$861抵唔抵?未計行李
THANKS
麻麻地喇~除非就出發!
9/17-9/21 hkexpress 台中單人約$861連稅(唔計行李), 值得入手嗎?謝謝~~
還好呀!
請問有冇以前價格睇返?
5大2小 17-21/10 華航早上11點機去, 6點機返
總共$8537值得入手嗎?
值呀!
請問華航10月17-21日, 5大2小$8537可以入手嗎?
yes
你好，想10月尾去台北，Airline $1200, 長榮$1250，時間一樣，應選？定再等
小編私心鐘意長榮!
小編你好，10月17-21要去台北(17是公眾假期)，但錯過左7月的優惠，請問知唔知黎緊有冇優惠。而家HX 1424HKD，都係舒服ge時段，應入手還是再等？謝謝。
睇長榮喇!長榮先係千2蚊!!一樣大把時間揀!
高雄仲有冇1000咁平
好少機會呀!!華航預千1到喇!
11月中 4日台北
國泰千三連稅 入手嗎定等?
國泰千三係呢個價~想平啲可以揀長榮/華航
11月22至25日去台北，國泰最平連稅都要$1380，入手定再等? Thanks!
差不多!國泰的話!
你睇下其他網站好似TRIP.COM,HUTCHGO會唔會平D~可能千3頭都會有架^^
如果12月2~7日
台北2大1小1B，
請教連稅幾錢係入手價呢？
$4058連稅抵買嗎？
謝
可以 入得手!
下年1月5-10日去台北
1157$連稅可入手嗎
請教12月2~7日，臺北2大1小1B要$4057貴嗎？
要等一下，定邊度搵會平啲？
謝謝您
唔貴呀，唔使等啦 ~
請問，1 – 8 Oct 2018，2人來回台北$6000， 貴嗎﹖
謝謝你
2人多個7日+紅日都叫okay!
請問，1-6 Oct 2018香港,台北來回機票，$6000，貴嗎﹖
謝謝你
$6000港幣定台幣~港幣的話貴呀!
小編你好，12月29-1月1要去台北(跨年)，請問知唔知黎緊仲有冇優惠。而家國泰 2134HKD，早機去晚機番，應入手還是再等？謝謝。
呢D日子基本無優惠架啦~呢個價都入得手
台北28/12-31/12早機去晚機返依家要HK$2400起, 係咪唔會再有平啦? 入得手嗎?
係呀 靚時間唔會平架啦
19年5月20-24,華航早去晚返,用埋優惠碼千3左右一人,而加入手定再等??
要呀!加左燃油附加費之後!可以入手!
hi, 想同個女19年3月去台北, 星期四下午去, 星期日返, 睇左幾個月, 發覺weekend去真係無符平. 一般都要$15XX-18XX. 想問呢個日子明明唔係旺季, 入手價應該係幾多呢?
因為其實你有指定時間又連住星期六,日~15xx-16xx都差唔多
19年4月23-28
2個大人
最平暫時見到$1443/1
而家買定再等下好?
加左燃油附加費後~呢個價差唔多啦~
7月10-13日去台北，CX連稅$15xx，可入手嗎？
okay呀!
請問如果想2020 1月農曆年飛台灣幾時買機票好？
越早買越好，一般嚟講提早一年買
請問6月尾7月頭
飛高雄(墾丁) 算不算旺季？
機票幾錢以下可接受？
如果都是玩水 看風景
去沖繩會不會更化算？
算呀~7月1日有紅假
你預連稅千七到啦
沖繩貴好多~二千五到啦
小編你好
想買長榮10月25-28 星期五-星期一
係Skyscanner 見到午機去午機番 最平永安旅遊要$1313
入唔入得手？
入得手架啦，唔使等
小編您好~
想問30/12 – 5/1 (跨年) multi-city
HKG – RMQ (中午時間)
TPE – HKG (夜機返) $1,662 ，係未都入得手呀?
謝謝你~
可以入手!
你好!我打算10月4-7號去高雄，但依家睇機票一人起碼都要$2500!
請問值得入手嗎？我覺得好貴，但又怕依家唔買之後會愈來愈貴！謝謝。
都係依家入得架啦 近1/10所以都會貴
請問cx 1月頭台中入台北走連稅$1800值得入手嗎？thxx
都OK 一月頭旺季
請問2020復活節期間飛台北,傳統航空幾時買比較平?
早半年左右買，而家睇定就岩架啦!