對於鍾意去日本鐵道遊嘅遊客黎講，JR Pass係一個好重要嘅工具，因為喺票券有效期限內，可以無限次搭列車喺全日本各地穿梭。不過近日有個壞消息，JR Pass全日本鐵路周遊券將於10月1日起加價，最大增幅達76%！而JR東日本、JR西日本、JR北海道、JR東海都會喺同日加價！以後遊日成本變得更高，令唔少遊客叫苦連天！不過小編教大家一個方法，直至2024年1月都用到現時價錢乘搭！
JR Pass全日本鐵路周遊券10月1日起加價！
日本JR Pass全日本鐵路周遊券分為7日/14日/21日，每個版本再分為普通車廂版以及豪華綠色車廂版，均可無限次搭乘JR鐵路所有路線，包括新幹線、特急列車、急行列車、快車及慢車，仲可以乘坐JR巴士各地方線、部分高速線路與宮島JR渡輪。只要一券在手，就可以輕鬆暢遊全日本各地，適合大範圍旅行、橫跨多個地區嘅旅客入手。
▼JR Pass全日本鐵路周遊券
壞消息係，JR Pass全日本鐵路周遊券將於10月起加價，加幅仲要幾大添！連最平嘅7日普通車廂都由29,650日圓 (約$1,737)，加價至50,000日圓 (約$2,930)！
▼JR Pass全日本鐵路周遊券加價後票價
| 種類 | 現時價錢 | 加價後價錢 | 加幅 | |
| 普通車廂 | 7日 | 29,650日圓 (約$1,737) | 50,000日圓 (約$2,930) | 68.63% |
| 14日 | 47,250日圓 (約$2,769) | 80,000日圓 (約$4,688) | 69.31% | |
| 21日 | 60,450日圓 (約$3,542) | 100,000日圓 (約$5,860) | 65.43% | |
| 豪華綠色車廂 | 7日 | 39,600日圓 (約$2,320) | 70,000日圓 (約$4,102) | 76.77% |
| 14日 | 64,120日圓 (約$3,757) | 110,000日圓 (約$6,446) | 71.55% | |
| 21日 | 83,990日圓 (約$4,922) | 140,000日圓 (約$8,204) | 67.89% | |
官方指目前嘅JR Pass全日本鐵路周遊券唔可以乘搭新幹線「希望號」(Nozomi) 、「瑞穗號」(Mizuho)，喺10月加價後就可以，但係就要額外加價購票，詳細票價及購票方式有待公佈。
相關優惠：賞花攻略｜粉蝶花開花啦！國營常陸海濱公園粉蝶花丘｜交通方法、JR Pass、門票價錢、本地一日遊旅行團懶人包
JR東日本、JR西日本、JR北海道、JR東海亦將於10日1日起加價
近日JR東日本、JR西日本、JR北海道、JR東海都宣布即將於10日1日起加價，當中以JR東日本嘅加幅最大，足足加成50%！以後遊日成本變高，有人話要用嘅幾貴都會買，亦有人話自駕好似仲抵，唔止大家又點睇呢？
小編為大家整理日本各區JR Pass嘅價錢以及加幅：
▼JR東日本加幅 (JR東日本官方公告)
▼JR西日本加幅 (JR西日本官方公告)
▼JR北海道、JR東海、JR全國版加幅 (JR北海道官方公告、JR東海官方公告)
▼JR九州加幅 (JR九州官方公告)
教你一個方法10月後都用到現時價錢乘搭！
小編諗到一個喺10月加價後，短期內仍然可以現時價錢乘搭嘅方法，啱晒精打細算嘅你！方法就係預先喺Klook、KKday入手！
喺Klook、KKday購買鐵路周遊券後，需要於90天內到日本當地兌換站領取實體JR Pass，而喺日本兌換實體JR Pass後，需要於30天內開通使用。
最極限嘅方法就係喺9月30日購入，再喺12月29日前到日本兌換，之後喺2024年1月28日前開通使用。雖然呢個方法只係短期有效，但係慳得一蚊得一蚊啊！
(不過要注意：JR東日本東京廣域周遊券3日Pass只能夠買未來30日內)
經KKday預訂JR Pass：
經Klook預訂JR東日本周遊券：
經Klook預訂JR西日本周遊券：
經Klook預訂JR北海道周遊券：
經Klook預訂JR全國版周遊券：
▼使用流程
除咗買JR Pass要精打細算之外，喺日本行街shopping嘅時候都要！係時候入下啲藥妝貨啦～今次有註日小編Claudia同Mayu分享下佢地平時最鐘意用嘅藥妝同小物！最平$19蚊就買到啦～除咗10％嘅退稅優惠，今次仲幫大家整合咗幾間日本必行商店嘅優惠碼！
▼遊日慳錢攻略💰最新日本商戶優惠券🤩 松本清/ Bic Camera必買好用藥妝小物👍日本超人氣美白酵素洗面系列🧏♀️/ HKD$18 去廁所神器🚽/ 每13秒賣出一支嘅捲髮器
雖然築地嘅場內市場已經搬遷，但場外市場一樣係想食好嘢時嘅好去處😋 除咗一定要食嘅魚生、海鮮丼之外🍣，而家日本妹竟然興去築地食意粉？😂今次就有日本菇菇菇 @JAPANGoGoGo3 同大家去行曬成個築地嘅場外市場，仲精選咗2023年20間必食美食！下次去唔洗怕唔知食邊間～🤩
▼日本妹興去築地食〇〇?! 2023年築地現況🍣2023年20間築地美食
嚟緊去大阪諗緊帶小朋友去邊玩？可以考慮下呢個大人細路都岩玩嘅綜藝運動遊樂設施VS park！顧名思義即係可以一邊玩一邊運動嘅地方！VS park全日本有6間分店，而係大阪Lalaport呢間入面就總共有32種遊樂設施咁多！想知道入面係咪真係岩晒唔同年齡層既人，又或者想睇下適唔適合帶你小朋友去就可以睇下啦～
▼大阪親子遊！👨👩👧 但大人玩得仲開心？🤔 VS Park綜藝運動遊樂場 Expocity｜32種運動⚾️/AR/VR遊戲小時制任玩！🕹