韓國政府宣布由4月1日至2024年12月31日，將豁免港澳在內22個國家旅客，入境前需申請K-ETA政策！隨住之前放寬嘅措施，港澳旅客可以無需做任何準備，輕鬆去韓國自由行！不過相關政策就暫時不包括中國旅客。
【韓國最新入境消息】
由4月1日至2024年12月31日，港澳在內22個國家旅客入境前將無需申請K-ETA！隨住之前放寬嘅措施，港澳旅客可以無需做任何準備，輕鬆去韓國自由行！不過相關政策就暫時不包括中國旅客。另外，亦都唔使再一定經首爾入韓國，下次HK Express推出優惠，要留意啦！幾間航空公司包括國泰、韓亞、大韓等不時都有優惠，可以睇 »呢度。
4月1日前出發去韓國嘅朋友，飛之前72小時要做K-ETA 簽証！無論特區定係BNO 都要整！
▼飛韓國前72小時一定要先做K-ETA
申請K-ETA：
韓國將取消所有與入境有關的防疫措施，除了免簽證、免隔離入境，更不需要進行任何新冠檢測，包括出發前及到埗後。韓國駐香港總領事館亦恢復香港特別行政區及BNO護照持有人免簽證入境韓國！而入境韓國72小時之前需要事先申請韓國電子旅行許可(K-ETA)並獲得批准！
*簽証有效期兩年，如果近排買左機票飛韓國嘅話可以即時整左先！
需要資料：
- Passport
- 相片一張 (E-version)
- KRW 10,000
小編實測：
如果係香港飛之前無整到K-ETA 嘅話，就無得上機了。而無得上機個個人，就係小編自己。
旅遊小編犯呢個低級錯誤真係想搵窿捐。慘就慘在，係機場臨急臨忙重新整一次ETA，其實只係大約40分鐘就approve到。我其實係換左張Asia Miles里賞航班機票 (仲要係商務艙)，CX 地勤姐姐已經好好人見班機delay 左就俾多20分鐘buffer我，最後成功出左K-ETA 諗住可以順利上機嘅時侯，先發現原來BNO 個nationality 填錯左 ，要揀British national overseas (真係好樣衰，肯定係填得太急了)，所以都係上唔到機，最後一場歡喜一場空，要再買過張機票凌晨機再飛。
所以要出返呢個post黎提大家一定要定整K-ETA！好彩而家啲里數機票可以免費改期，最多一年內去多一次韓國姐！
▼首爾塔
