第一次遊歐洲已經係七年前嘅夏天，當時第一個去嘅國家就係德國，然後再去其他東歐城市。當年嘅速食德國其實都唔係好了解德國，而今次去德國參加一個Media Press Trip之前，我有5日嘅時間去發掘下德國，並將會到訪巴登巴登、科布倫次、奥芬堡、法蘭克福等地。
今次所揀選嘅城市同原本計劃嘅好唔同，因為原本係瑞士入德國南部工業城市Stuttgart開始，經中部城市紐輪堡，再去東面Dresden 同柏林。不過隨著德國疫情升溫，東部同南部都比較嚴重，而我嘅行程就改去到比較安全嘅西面。最後我揀去咗Offuburg、Frankfurt 、Koblenz 、Baden Baden同Handover 五個城市小鎭。
由於德國唔同州份可以因疫情有唔同嘅措施，有啲城市只要出示六個月內嘅疫苗打針證明就可以例如Hanover同Frankfurt ，但有啲城市就需要有埋24小時嘅Negative 結果加打針證明先可以入餐廳同酒店，例如Koblenz同Offenburg，所以去之前都要以留意。好彩需要提供Negative 結果嘅城市，火車站附近都有流動檢測站，只要登記資料就可以免費做檢測，30分鐘內就會收到電郵，所以呢五日嘅行程都冇大問題，反而玩得更放心。
而呢五日去咗唔同地方，都對德國了解深入咗。例如去德國南部一個小鎭Offenburg，先知道黑森林蛋糕真係來自德國黑森林地區。去到法蘭克福又了解到原來Wine唔一定係由葡萄製成，係法蘭克福就試咗佢地最出名嘅蘋果酒。
▼德國奥芬堡
▼德國奥芬堡
▼德國奥芬堡
▼德國奥芬堡
▼德國奥芬堡
▼德國奥芬堡
▼德國奥芬堡
另外去到萊茵河小鎭科布倫次Koblenz先知道德國除咗啤酒出名，白葡萄酒都好有名，沿萊茵河有好多種植白葡萄嘅莊園，而沿萊茵河有德國密度最高嘅堡壘添。
▼德國科布倫次
我仲更加去到巴登巴登Baden Baden挑戰最古老嘅德國浴場，場內係男女裸體混浴。
▼德國巴登巴登裸體混浴 – 只可以拎呢條巾
▼著名咖喱德國腸
▼德國巴登巴登
▼德國巴登巴登
另外食物方面，之前我對德國菜嘅認識只有豬手啤酒酸菜，上一次七年前去德國都只去慕尼黑試過食德國豬手同啤酒，今次終於有更多機會試下唔同嘅德國小食，例如我嘅最愛法蘭克福腸配咖哩茄汁，另外仲試咗薯仔煎餅配蘋果蓉，雖然唔係我「飛佛」，但就了解到以前德國窮人就係得番薯仔同蘋果而發明嘅德國小食。
▼德國法蘭克福
▼德國法蘭克福
▼德國法蘭克福
▼德國法蘭克福
▼德國法蘭克福
▼原條牛脷同蘋果酒
▼音樂廳
▼歐元logo打卡
今次德國之旅雖然無法去到聖誕市集，但德國聖誕氣氛依然强烈。一場來到德國，都終於比我搵到冬天必飲嘅熱紅酒，估唔到仲有熱白酒同熱嘅Cider，呢啲飲食文化都令我覺得對德國係有所改觀，因為我一直都覺得德國只得啤酒、豬手、城堡、教堂，但原來深度遊德國會發掘到好多德國有趣一面。
特別嗚謝：德國國家旅遊局香港及南中國代表處
小編出走遊記一覽
- #1 小編出走：疫情下的一趟旅行
- #2 小編出走：大鄉里坐飛機與入境芬蘭篇
- #3 小編出走：秋日森林採菇+正宗芬蘭桑拿
- #4 小編出走：那赫爾辛基被遺忘的秋天 (六大秋葉打卡景點)
- #5 小編出走：瑞典真紅葉 – 皇家理工學院＋斯德哥爾摩市政廳
- #6 小編出走：北歐魚湯與肉丸
- #7 小編出走：世界最長的地下畫廊
- #8 小編出走：波羅的海三國 防疫措施大不同
- #9 小編出走：坐上郵輪 探訪高度自治區 奧蘭群島
- #10 小編出走：夢寐以求想去的國度 – 瑞士 (少女峰、日內瓦)
- #11 小編出走：夢寐以求想去的國度 – 瑞士 (庫爾、巴塞爾)