就到暑假，唔少人都已經買咗機票準備去日本旅行！小編幫大家整合日本嘅關東、關西、九州、中部、東北、北海道地區7至8月有咩玩！無論係室外、室內，動態、靜態都有！即刻plan定行程啦！另外，日本已經取消疫苗證明，但係記住仲要填Visit Japan Web啊！
目錄
【關東地區】
【關東地區——5月下旬至7月賞繡球花好去處】
東京都——Symbol Promenade公園
Symbol Promenade公園 (シンボルプロムナード公園) 位於台場，係一個可以喺東京市區賞繡球花嘅地方。斜坡樓梯兩旁佈滿藍色、白色嘅繡球花，係一個唔錯嘅打卡位！
在 Instagram 查看這則帖子
Symbol Promenade公園
- 地址：日本東京都江東区青海1丁目1 (地圖)
- 開放時間：24小時開放
- 電話： +81 03-5500-2455
- Symbol Promenade公園官方網站
相關優惠：日本賞花｜繡球花攻略！全日本23個賞花景點推介懶人包｜關東、關西、中部、東北、九州、北海道
東京都——阿佐ヶ谷神明宮繡球花御守
位於東京嘅阿佐ヶ谷神明宮，一向以推出超靚嘅手環御守而聞名。踏入繡球花季，神社再度推出以往大獲好評嘅繡球花御守！呢度嘅御守由神社嘅巫女親手編織，做成手環唔單止好靚，仲代表同神明結緣。除咗戴喺手上面，有啲人鍾意綁喺手袋做裝飾！神社亦推出繡球花御朱印 (由神社授予嘅一種參拜證明)，好有紀念價值。御守、御朱印由即日起已經推出，暫時未知會去到幾時，想收藏嘅話就最好盡快去啦！
阿佐ヶ谷神明宮
- 地址：日本東京都杉並区阿佐谷北1-25-5 (地圖)
- 開放時間：早上6點 – 下午5點
- 電話： +81 03-3330-4824
- 阿佐ヶ谷神明宮官方網站
神奈川縣——鎌倉明月院
明月院可以話係成個鎌倉地區最出名嘅繡球花寺，寺內嘅繡球花多為青藍色，因此每到花季，數千株繡球花會將庭園染成一片壯觀嘅藍色花海，仿佛踏入夢幻嘅世界！最招牌嘅打卡位絕對係正門兩旁嘅石梯！
在 Instagram 查看這則貼文
明月院
神奈川縣——鎌倉長谷寺
長谷寺擁有超過千年歷史，供奉著日本最大嘅木造觀音「長谷觀音」。每逢繡球花季來臨嘅時候，寺內嘅繡球花小徑有著藍色、紫色、粉色等各種類型嘅繡球花，係繡球花愛好者嘅必訪之地！登上步道最高處後，仲可以欣賞下方嘅海灣美景，打卡必去！
在 Instagram 查看這則貼文
長谷寺
神奈川縣——箱根繡球花電車
前往箱根經常會搭嘅箱根登山鐵道，每年梅雨季期間鐵路兩旁都有大量繡球花盛開，因此被稱為「繡球花電車」。每年隨著季節變化，可以欣賞嘅繡球花型態、種類都有唔同。喺電車裡面近距離賞繡球花，係日本最受歡迎嘅賞花路線之一！
在 Instagram 查看這則貼文
箱根登山鐵道
- 地址：日本神奈川県足柄下郡箱根町強羅 (地圖)
- 電話：+81 04-6532-6823
- 箱根登山鐵道官方網站
相關優惠：日本東京新酒店推介｜澀谷型格新酒店及國際品牌酒店｜附詳細介紹及預訂網址
山梨縣——猿橋公園
位於山梨縣嘅猿橋係日本三奇橋之一，相傳已有將近四百年歷史！猿橋位於高約30密嘅山谷之上，以橋面兩側四層嘅木作為支撐，係一座無橋墩嘅橋樑，非常神奇。一旁嘅猿橋公園園內種有超過3000株以上嘅繡球花，每年繡球花季仲會舉辦「繡球花祭典」！
在 Instagram 查看這則貼文
猿橋公園
- 地址：日本山梨県大月市猿橋町猿橋 (地圖)
- 開放時間：24小時開放
- 電話： +81 05-5422-2111
- 猿橋公園介紹官方網站
茨城縣——雨引觀音
雨引觀音寺廟除咗出名以求子、除惡等方面靈驗聞名，仲因為繡球花美景聲名遠播，更被稱為「繡球花寺」。每年繡球花季，寺廟都會定期修剪繡球花，更會將剪落黎嘅繡球花放置於花池、手水舍 (參拜前嘅洗手台) 裡面，而且寺廟內嘅鴨子、孔雀可以隨意走動，場景非常夢幻！
在 Instagram 查看這則貼文
雨引觀音
千葉縣——服部農園繡球花屋敷
服部農園繡球花屋敷 (服部農園あじさい屋敷) 係人氣好高嘅賞繡球花勝地。呢度種植300種、超過10000株以上嘅繡球花，由花田蔓延至山頂，非常壯觀，無論行到邊個位停低影相都好靚！
在 Instagram 查看這則貼文
服部農園繡球花屋敷
- 地址：日本千葉県茂原市三ヶ谷719 (地圖)
- 開放時間：早上8點 – 下午6點
- 電話：+81 04-7524-8511
- 服部農園繡球花屋敷官方網站
【關東地區——7月至8月賞薰衣草好去處】
埼玉縣——千年之苑薰衣草園
千年之苑薰衣草園 (千年の苑ラベンダー園) 係關東地區賞薰衣草嘅一個好選擇，由新宿出發大概一個半小時。呢度嘅花期較早，6月已經可以睇到薰衣草。而今年嘅6月9日至6月25日更會舉行第三屆嘅「嵐山薰衣草祭」。6,5000平方米嘅園區內種植16種，約22,000株薰衣草，現場仲提供薰衣草採摘體驗。
在 Instagram 查看這則貼文
千年之苑薰衣草園
- 地址：日本埼玉県比企郡嵐山町鎌形2326 (地圖)
- 開放時間：早上9點 – 下午4點
- 電話：+81 04-9362-8080
- 千年之苑薰衣草園官方網站
群馬縣——玉原薰衣草花園
玉原薰衣草花園 (たんばらラベンダーパーク) 原本係滑雪場嘅公園，夏季嘅時候，平坦嘅滑雪坡道搖身一變為薰衣草花田，種植50,000株薰衣草，分別為早花、中花及晚花，確保花期由7月上旬持續至8月下旬。呢度仲可以搭空中纜車鳥瞰花田，彷彿沉浸喺薰衣草花田之中！
在 Instagram 查看這則貼文
玉原薰衣草花園
- 地址：日本群馬県沼田市上発知町 (地圖)
- 開放時間：早上8點30分 – 下午4點30分
- 電話：+81 02-7823-9311
- 玉原薰衣草花園官方網站
相關優惠：2024東京至富士山最新交通攻略｜直達電車/特急列車/普通列車/高速巴士｜從東京去富士山河口湖哪個交通方式最推薦？
山梨縣——河口湖八木崎公園、大石公園
每年6月上旬至7月中旬，河口湖都會舉辦為期一個月嘅薰衣草祭，今年就由6月24日至7月17日！薰衣草祭喺八木崎公園以及大石公園舉行，兩個會場都有非常多嘅薰衣草，仲可以欣賞富士山美景，夠時間嘅話不妨兩個都去晒！小編仲準備咗市區去河口湖嘅交通攻略！
在 Instagram 查看這則貼文
在 Instagram 查看這則貼文
八木崎公園
大石公園
【迪士尼100週年晴空塔點燈】
迪士尼fans注意！晴空塔有迪士尼角色主題點燈，仲有展覽睇！
為咗慶祝迪士尼創立100週年，東京晴空塔由即日起至7月19日舉行紀念活動，名為「Wishing upon the TOKYO SKYTREE TOWN～100年の物語とともに、空に願いを～」。除咗喺晴空塔上面有展覽睇、有周邊商品可以買之外，最特別係晴空塔嘅外觀會有以7個角色為主題嘅點燈！分別有米奇、米妮、白雪公主、小魚仙、小熊維尼、胡迪、巴斯光年，每兩分鐘左右就會轉換一次角色。
不過要留意，唔係活動期間每一日都有點燈，想打卡嘅話要預留時間啦！
點燈時間表：
- 6月：3日、10日、17日、24日 (19:45 – 24:00)
- 7月：1日、8日、15-16日 (19:45 – 24:00)
迪士尼100週年晴空塔點燈
- 地址： 東京都墨田区押上1丁目1-2 (地圖)
- 電話：+81 05-7055-0634
- 「Wishing upon the TOKYO SKYTREE TOWN～100年の物語とともに、空に願いを～」官方網站
【池袋Sunshine City展望台重開】
東京池袋Sunshine City嘅展望台重開啦！以後多個地方可以睇風景hea下～
去年結業嘅池袋「太陽城Sunshine City展望台」，經過半年裝修後，正式改名為「Sunshine60展望台展望公園」，而且已經重新開放！呢個展望台位於60樓，視野非常好，裡面更加充滿植物元素，簡直好似置身於空中綠洲咁！想像下坐喺度欣賞東京嘅景色，一定好chill好療癒！展望公園分為三個部分，分別係展望之丘、活動展區、Cafe。場內更設有嬰兒區、哺乳室，帶埋小朋友黎都得！
「Sunshine60展望台展望公園」
- 地址： 東京都豊島区東池袋3丁目1 サンシャインシティ サンシャイン60ビル 60Ｆ (地圖)
- 開放時間：早上11點 – 晚上9點 (最後入場時間晚上8點)
- 電話：+81 03-3989-3457
- 「Sunshine60展望台展望公園」官方網站
【東京哈利波特影城6月16日開幕】
召集哈利波特fans！東京哈利波特影城宣布將於6月16日正式開幕！小編已經幫大家整理咗東京哈利波特影城攻略！
今日東京哈利波特影城舉辦發佈會，宣布影城將於6月16日開幕，成人一日入場券價錢為6,300日圓 (約$368)。門票於3月22日起，香港時間下午1時於網上預約。暫時門票只會於網上預售，不設現場售票。東京哈利波特影城位於練馬區，佔地近9萬平方公尺，係繼倫敦後全球第二座哈利波特影城。同倫敦嘅一樣，呢度會展示電影場景、戲服、道具，仲會有互動設施，俾遊客體驗魔法之旅。哈利波特fans以後想朝聖，唔使去到倫敦咁遠，去東京都得！
東京哈利波特影城
- 地址： 東京都練馬区春日町1-1-7 (地圖)
- 東京哈利波特影城官方網站
【新宿東急歌舞伎町】
東京新宿4月有新嘅地標開幕！ 入面將會包含各種娛樂設施！位於新宿嘅東急歌舞伎町TOWER樓高48層，入面有酒店、戲院、劇場、餐廳、互動遊戲等娛樂設施，應有盡有。
最近官方就公布咗部分樓層嘅主題。一樓以餐廳為主，仲會有「和牛特區」使用嚴選日本國產黑毛和牛，提供漢堡、和牛料理； 二樓係以祭典為主題嘅餐飲美食空間，包括多國料理，夜晚更加會有表演，非常特別！至於娛樂方面，三樓係「namco TOKYO」，而四樓將會係名為「THE TOKYO MATRIX」嘅地牢攻略體驗設施。 之後會去東京旅行嘅話又多一個地方可以玩啦！
東急歌舞伎町TOWER
- 地址：東京都新宿区歌舞伎町一丁目29番1号 (地圖)
- 東急歌舞伎町TOWER官方網站
【羽田機場「HANEDA AIRPORT GARDEN」】
大家有無試過搭早機到咗機場之後唔知有咩做呢？日本羽田機場有一個新嘅複合式商業設施即將開幕，到時就唔怕無地方行啦！ 呢個可以直達羽田機場第3航廈嘅「HANEDA AIRPORT GARDEN」喺2023年1月全面營業，入面唔止有商場，仲會有兩間酒店同埋溫泉。呢兩間酒店分別係「VILLA FONTAINE PREMIER 羽田機場」、「VILLA FONTAINE GRAND 羽田機場」，總共有1,717間客房，係日本最大嘅機場酒店！
「泉天空之湯 羽田機場」係機場酒店嘅露天溫泉，有天然溫泉、碳酸泉、按摩池等等設備可以選擇，呢間溫泉係24小時營業，都係1月21號日就會開幕，無論酒店住客定係一般旅客都可以使用。有咁多設施，以後去到羽田機場唔驚無野做啦！
▼飛東京羽田機場必睇✈️直擊羽田機場花園開幕日🎉｜一次過買手信、食名店、浸溫泉♨️｜直通巴士可以去邊？🚌
HANEDA AIRPORT GARDEN
- 地址：東京都大田区羽田空港2丁目7 − 1羽田エアポートガーデン 2階 (地圖)
- 電話：+81 570-033-577
- HANEDA AIRPORT GARDEN官方網站
【新宿Shibuya Sky】
位於Shibuya Scramble Square嘅Shibuya Sky觀景台係最近非常之流行嘅打卡點！相信好多人已經去過晴空塔打卡，有別於晴空塔，Shibuya Sky觀景台開放露天區域，所以影相嗰陣無玻璃阻隔，影出嚟都靚啲。如果喺日落前1個鐘抵達觀景台，仲可以一次過睇到日間、黃昏、夜景三種景色。個景咁靚，唔怪之得連嵐嘅「Turning Up」MV都喺呢度取景啦！
Shibuya Sky
- 地址： 東京都渋谷区渋谷2丁目24 − 12, Shibuya Scramble Square (地圖)
- 電話：+81 342-210-229
- Shibuya Sky官方網站
【八王子京王廣場飯店】
Sanrio fans注意！日本八王子京王廣場飯店與Sanrio合作，由7月14日起推出兩款期間限定主題房間，包括Hello Kitty房型以及My Melody x Kuromi房型。Hello Kitty房充滿粉紅色元素，以玫瑰花、寶石等元素點綴，非常公主風。另一款房型將My Melody、Kuromi結合，房間裝潢用上各自嘅代表色，一次過滿足晒鍾意呢兩個角色嘅朋友！想入住呢兩款房間嘅話，可以喺酒店官方網站預訂。即刻約埋你充滿少女心嘅朋友一齊去打卡！
八王子京王廣場飯店
- 地址：東京都八王子市旭町14-1 (地圖)
- 電話：+81 42-656-3111
- 京王廣場飯店官方網站
【Toy Story期間限定Cafe】
召喚Toy Story fans！ 日本將會有期間限定主題cafe，東京、大阪、名古屋三個地方都有！最早開幕嘅係大阪，日期由4月27日到6月18日；東京店由4月28日到7月9日；名古屋店由4月29日到6月18日。Cafe嘅主題係「Welcome to TOY ROOM」，精心打造以玩具屋為主題嘅menu，餐點上面唔止有一眾人氣角色，仲全部都好色彩繽紛，睇見都覺得開心！除咗美食，呢度仲有唔少特色周邊商品，fans一定要去打卡啦！
Toy Story期間限定Cafe
- 地址：OH MY CAFE TOKYO 東京都渋谷区神宮前4-30-3 東急プラザ表参道原宿3F (地圖)
- 電話：+81 03-6679-9117
- 營業時間：早上11點 – 晚上8點
- 期間限定Cafe官方網站
【築地市場超人氣意粉】
去築地市場竟然係食意粉？
雖然築地嘅場內市場喺2016年已經搬遷到豐洲，但係佢嘅場外市場其實一直仲喺度，而且遊客仍然係絡繹不絕！今次就為大家介紹2023年必食嘅築地市場美食——田所食品！ 田所食品係一間IG爆紅嘅56年魚卵專門店。喺IG search #田所食品 都見到好多人專程去食。佢哋嘅明太子意粉非常出名，下次去築地一定要試下！
即刻睇下特派員現場直擊2023年築地現況，仲有20間築地美食推介！除咗一定要食嘅魚生、海鮮丼之外🍣，而家日本妹竟然興去築地食意粉？😂今次就有日本菇菇菇 @JAPANGoGoGo3 同大家去行曬成個築地嘅場外市場！
田所食品
- 地址：東京都 中央区 築地 4-9-11 (地圖)
- 電話：+81 3-3541-7754
- 營業時間：早上6點 – 下午2點 (逢星期日休息)
- 田所食品Facebook
【行走的餐廳——52席的至福】
火車平時只係普通嘅交通工具，但係喺日本，佢仲可以係一架移動嘅餐廳！ 日本唔少鐵路公司都推出結合觀光同埋美食嘅特色列車，吸引唔少熱愛鐵路旅行嘅遊客。不過可惜好多都需要使用日本電話號碼或者日本信用卡先可以報名，唔太方便海外遊客。小編今次就搵到一款對海外遊客比較user-friendly嘅，就係西武鐵道餐廳列車「52席的至福」！
呢架列車由日本知名建築師隈研吾設計外觀、內裝，打造優雅嘅用餐空間並且提供米芝蓮級數美食，喺東京市區同埋東京近郊「秩父」之間穿梭，車程大概2小時30分鐘。 叫做「52席的至福」係因為佢只提供52個座位，列車分為四節車廂，當中有一節係開放式廚房，可以睇到大廚烹飪嘅過程。喺火車上面享受美食同埋美景，相信會係一個特別嘅體驗！😙
52席的至福
【無印良品板橋南町22新分店】
MUJI迷注意！ 東京有新分店開幕啦！呢間叫做「無印良品 板橋南町22」嘅新鋪足足有4層高，係關東地區入面最大嘅無印良品街鋪。最特別嘅係洗頭水、清潔劑、水果乾等等嘅貨品係可以按照需要斷秤購買，咁就唔怕買得太多用唔晒啦。
雖然呢間分店嘅地理位置唔算太方便，不過因為鋪頭外面設有24小時服務嘅商品提取櫃，而且仲係全日本唯一一間有「停車場提貨服務」嘅無印良品，所以都幾適合揸車嘅朋友去。MUJI Fans記住要去朝聖啦！
無印良品板橋南町22分店
【池袋TOKYU HANDS舊址：NITORI家品店】
池袋TOKYU HANDS於2021年結業後，日本家品店NITORI（ニトリ）喺22年11月18日正式進駐TOKYU HANDS舊址！ 新鋪一共有8層，面積約5980平方米，將會係新宿、渋谷、池袋入面最大嘅分店。1樓至5樓主要售賣家品，6至8樓就會售賣大型傢俱。
NITORI係創立於1972年嘅日本著名家具連鎖品牌，主打低價格高品質嘅家居精品，販賣嘅貨品種類由大型傢俬如床架、梳化，到廚房用品如餐具、平底鍋都有，係深受日本人喜愛嘅家品店。 雖然好可惜池袋TOKYU HANDS已經結業，但係希望嚟緊嘅NITORI會成為池袋嘅新地標啦！
NITORI池袋分店
【關西地區】
【關西地區——5月下旬至7月賞繡球花好去處】
大阪府——久安寺
久安寺係一座建於公元725年嘅古老寺廟，呢度一年四季都可以欣賞花開嘅美景。寺廟內種植超過10種、共5000株繡球花。 寺院仲會將繡球花花球剪落黎，放入水池中供養，浮喺池面上色彩繽紛嘅花球非常夢幻。
在 Instagram 查看這則貼文
久安寺
大阪府——大阪市立長居植物園
想喺市區欣賞繡球花嘅話，大阪市立長居植物園係一個好選擇。植物園內種植30種、6,000株繡球花，雖然未必及郊外嘅繡球花景點壯觀，但係勝在交通方便。
在 Instagram 查看這則貼文
大阪市立長居植物園
- 地址：日本大阪府大阪市東住吉区長居公園1-23 (地圖)
- 開放時間：早上9點30分 – 下午4點30分
- 電話：+81 06-6696-7117
- 大阪市立長居植物園官方網站
相關優惠：關西新酒店推介｜日本首間W酒店！環球影城全新官方酒店｜大阪、奈良、京都新酒店
大阪府——万博記念公園
万博記念公園亦係大阪市區欣賞繡球花嘅地方。呢度種植30種、約4,000株繡球花，今年6月3日至6月25日仲會舉辦繡球花祭。
在 Instagram 查看這則貼文
万博記念公園
- 地址：日本大阪府吹田市千里万博公園 (地圖)
- 開放時間：早上9點30分 – 下午5點
- 電話：+81 06-6877-7387
- 万博記念公園官方網站
京都府——藤森神社
藤森神社位於京都伏見區，神社內種植約3500株繡球花，有藍色、白色、粉紅色、紫色等，係京都最出名嘅賞繡球花勝地之一！今年6月3日起更加會舉行繡球花祭，只需500日圓 (約$28) 就可以入場。
在 Instagram 查看這則貼文
藤森神社
京都府——楊谷寺
楊谷寺又名柳谷觀音，主要祈求眼睛健康。寺廟內種有約5000株繡球花，每年6月初至7月上旬都會舉行繡球花祭。繡球花季嘅時候，寺內更會推出限定嘅繡球花御朱印。而人氣打卡點「龍手水」亦會喺水盤上擺放鮮豔嘅繡球花，吸引唔少人前來打卡。
在 Instagram 查看這則貼文
楊谷寺
相關優惠：立山黑部攻略2024｜4月15日開山！一文睇晒東京、大阪、名古屋出發交通｜必去景點雪之大谷、黑部水壩、御庫裏池、稱名瀑布懶人包
京都府——三室戶寺
三室戶寺以廣闊嘅繡球花園而聞名，每到花季有超過20,000株繡球花盛開，因此亦被稱為繡球花寺，係日本三大繡球花賞花景點之一！
在 Instagram 查看這則貼文
三室戶寺
奈良縣——般若寺
般若寺最出名嘅就係會將繡球花放入注水嘅透明玻璃球內，打造約150個夢幻嘅「花手水水晶球」，成為一道與別不同嘅繡球花景色。自此參拜人數急增，成為關西人氣繡球花打卡熱點！
在 Instagram 查看這則貼文
般若寺
相關優惠：關西攻略｜關西親子景點推介！大阪人氣遊樂園、神戶必去牧場及動物園、奈良秘景！
【Harvest Hill大自然主題樂園】
Harvest Hill係一個位於大阪近郊嘅觀光農場，除咗係農場之外，仲係一個以大自然為主題嘅樂園y，有多達5萬株油菜花、9萬株鬱金香，非常壯觀。呢度仲有好多嘢玩，動態、靜態都有，例如摘士多啤梨、親親動物、滑草、小型賽車、空中探索設施等等。最特別係有一個以森林家族為主題嘅公園，就好似進入森林家族角色嘅世界裡面咁，相當夢幻！
▼即刻睇下特派員去玩嘅實測片段！ 唔只係牧場仲係…？🤔大阪超美油菜花田🌼難波出發唔洗一個鐘！Harvest Hill🌷| 超人氣水豚、全日本最大級滑草場、森林家族主題公園
Harvest Hill
- 地址：大阪府堺市南区鉢ヶ峯寺2405-1 (地圖)
- 電話：+81 072-296-9911
- 營業時間：早上10點 – 下午5點 (最後入園時間下午4點)
- Harvest Hill官方網站
【VS Park室內運動遊樂場】
就到復活節假期，相信唔少人都準備一家大細去日本玩。如果準備去大阪，VS Park係你小朋友放電嘅好選擇！VS Park係一間結合運動、娛樂、技術元素嘅室內遊樂場，裡面嘅遊戲超過30款，適合大人、小朋友玩嘅都有，例如室內足球、棒球、壁球、射箭、攀，啱晒充滿運動細胞嘅你！呢度仲有唔少考合作嘅遊戲，就好似以前成日喺電視睇到嘅超級無敵大咕窿。除咗可以一家大細黎玩之外，亦適合朋友、情侶一齊挑戰！
▼即刻睇下特派員去玩嘅實測片段！ VS park全日本有6間分店，而係大阪Lalaport呢間入面就總共有32種遊樂設施咁多！想知道入面係咪真係岩晒唔同年齡層既人，又或者想睇下適唔適合帶你小朋友去就可以睇下啦～
VS PARK Lalaport EXPOCITY店
- 地址：大阪府吹田市千里万博公園2-1 Lalaport EXPOCITY内 (地圖)
- 電話：+81 06-6369-7186
- 營業時間：平日早上10點 – 晚上8點 (最後入場時間晚上7點30) ；星期六日及公眾假期早上10點 – 晚上9點 (最後入場時間晚上8點30)
- VS PARK Lalaport EXPOCITY店官方網站
VS PARK SEVEN PARK天美店
- 地址：大阪府松原市天美東三丁目500番地 SEVEN PARK天美 2階 (地圖)
- 電話：+81 072-360-4792
- 營業時間：平日早上10點 – 晚上9點 (最後入場時間晚上8點30)
- VS PARK SEVEN PARK天美店店官方網站
【三井Outlet大阪門真、三井LaLaport門真4月17日開幕】
早前大阪鶴見三井Outlet Park結業，取而代之嘅係全新嘅三井Outlet Park大阪門真，於4月17日開幕。三井Outlet Park大阪門真佔地116,400平方米，最特別嘅係將家庭商場Lalaport、三井Outlet Park兩個品牌二合為一，250間店舖進駐，成為大阪府內超巨型嘅購物休閒中心。位於二樓嘅三井Outlet Park店舖數量由鶴見時代嘅64間，新增至98間，當中仲有首次喺日本Outlet登場嘅CHARLES & KEITH、STACCATO、tandey parade、KARE。
至於位於一、三樓嘅Lalaport有153間店舖，一樓仲設有大型美食主題區「黑門市場」，當中有高CP值嘅「牛兆」、百年水產店「深廣」、老牌咖哩「NEW DARUNI」等美食。咁多正嘢食，shopping行到攰都唔怕！想睇更多詳情、交通方法，可以睇埋小編準備嘅三井Outlet大阪門真、三井LaLaport門真詳細介紹！
三井Outlet Park大阪門真開幕後，我地嘅特派員已經即刻去為大家視察環境，逐層睇下有咩行、黑門市場值唔值得食、Outlet舖頭有幾平！即刻去片！
▼第二個黑門市場？🏮大阪終於有新Outlet🛍梅田出發唔使半個鐘！一片睇曬人氣牌子Outlet價＋開幕優惠!💰
三井Outlet大阪門真、三井LaLaport門真
- 地址：大阪府門真市松生町1-11 (地圖)
- 三井Outlet大阪門真、三井LaLaport門真官方網站
【大阪空庭溫泉 OSAKA BAY TOWER】
去日本點可以唔浸溫泉！ 唔知大家有無聽過位於大阪嘅空庭溫泉 OSAKA BAY TOWER呢？空庭溫泉係關西地區最大嘅溫泉主題樂園，佔地差唔多成18萬呎，溫泉種類五花八門，例如有露天溫泉、四季主題溫泉、足湯、獨立湯屋，實有一款啱你。
除咗有免費浴衣可以租借之外，仲有居酒屋、日式餐館等等嘅美食俾大家浸完溫泉之後醫肚，玩足全日都無問題！而且營業時間去到夜晚11點，夜晚無野做去浸下溫泉都幾好。最重要嘅係空庭溫泉離弁天町站幾近，地理位置都幾方便，唔會好隔涉。鍾意浸溫泉嘅話一定要去試下啦！
經KKday預訂▼🇯🇵大阪市中心最美溫泉！打卡打到手軟📸｜空庭溫泉♨️梅田出發10分鐘⏱邊日幾點入場最抵玩？
空庭溫泉 OSAKA BAY TOWER
- 地址：大阪府大阪市港区弁天1丁目 2-3 (地圖)
- 電話：+81 570-033-577
- 營業時間： 早上11:00 – 晚上11:00 (最終入場時間為晚上10:00)
- 空庭溫泉 OSAKA BAY TOWER
【京都車站購物地標KYOTO TOWER SANDO4月22日重新開幕】
黎緊會去京都旅行嘅話有福啦！京都車站前嘅購物地標KYOTO TOWER SANDO於4月22日重新開幕！
KYOTO TOWER SANDO係一間位於京都塔下嘅購物商場，商場於4月1日迎來開幕6年黎嘅首次大規模裝修，並於4月22日重開。今次嘅工程主要翻新地下一樓、二樓嘅寬敞空間，到時候將會有七間新嘅人氣品牌進駐，包括由和菓子老舖伊藤軒所開設嘅「果菓伊藤軒咖啡廳」、喺京都營業超過20年嘅人氣海鮮居酒屋ANJI全新品牌「京都湯泡飯KASTUO」、主理人曾經榮獲世界甜點大賽亞軍嘅「SUGiTORA」等等，仲會有京都車站一帶最大面積嘅Starbucks。以後去京都車站搭車之前可以去醫肚、買手信先！
KYOTO TOWER SANDO
- 地址： 京都市下京区烏丸通七条下る東塩小路町721-1 (地圖)
- 營業時間：B1F 早上11：00 – 晚上11：00；1F 早上10：30 – 晚上8：30；2F 早上10：30 – 晚上7：00
- 電話：+81 075-746-5830
- KYOTO TOWER SANDO官方網站
【兔年必去：京都兔仔神社】
踏入兔年，相信唔少人都會搵下有咩應節嘅地方可以去，日本人都唔例外！日本有旅遊平台就統計咗十個最熱門有關「兔」嘅景點，今次就同大家介紹第三位嘅京都「兔仔神社」！
呢個被稱為「兔仔神社」嘅地方其實係位於京都嘅「東天王岡崎神社」。因為以前附近一帶係野兔嘅棲息地，再加上東方所對應嘅天干地支係「卯」，而「卯」又代表十二生肖裏面嘅兔，所以兔仔就被視為呢個神社嘅神使。因為神社內充滿可愛嘅兔仔雕像、擺設，又以祈求懷孕、安產、求姻緣靈驗而聞名，所以一向都係相當人氣嘅神社。呢度連繪馬、御守都有兔仔造型，非常可愛。有機會嘅話兔年內一定要去下！
【九州地區】
【九州地區——5月下旬至7月賞繡球花好去處】
福岡縣——太宰府天滿宮
太宰府天滿宮位於福岡縣中央嘅太宰府市，係福岡最具代表性嘅神社之一。每年繡球花季，太宰府內有大概5000株繡球花盛開，神社入口處嘅「手水舍」(參拜前嘅洗手台) 更會放置唔同顏色嘅繡球花，形成浮喺水上嘅「繡球花花手水」。
在 Instagram 查看這則貼文
太宰府天滿宮位
- 地址：日本福岡県太宰府市宰府4丁目7-1 (地圖)
- 開放時間：早上6點 – 晚上7點
- 電話：+81 09-2922-8225
- 太宰府天滿宮位官方網站
相關優惠：九州JR Pass攻略｜全九州、北九州、南九州鐵路周遊券｜3種周遊券帶你玩遍九州熊本、鹿兒島、福岡、長崎、由布院
長崎縣——豪斯登堡
豪斯登堡係一個充滿歐陸風情嘅大型度假區，園內有約1250種繡球花，分別散落喺「花之廣場」、運河以及區內沿路，配合埋歐洲風格嘅建築物，打造出截然不同嘅繡球花美景！今年5月27日至6月25日更會舉行繡球花祭！
豪斯登堡
【九州地區——7月至8月賞薰衣草好去處】
長野縣——薰衣草花園夢農場
薰衣草花園夢農場 (ラベンダーガーデン夢農場) 面積40,000平方米，種植約80種薰衣草，因此呢度嘅薰衣草海有著顏色漸層深淺變化。在薰衣草季嘅時候，農場會舉辦多項活動，例如採薰衣草、香料製作。
在 Instagram 查看這則貼文
薰衣草花園夢農場
- 地址：日本長野県北安曇郡池田町陸郷7454-6 (地圖)
- 開放時間：早上8點 – 下午5點
- 電話：+81 02-6162-5510
- 薰衣草花園夢農場官方網站
相關優惠：2024福岡新酒店｜精選10間高質新酒店、鄰近地下鐵站交通方便｜有大浴場、24小時Cafe、共享廚房
【豪斯登堡夏季天燈表演】
日本九州有天燈表演睇！位於九州長崎縣嘅豪斯登堡 (ハウステンボス) 係一個充滿歐陸風情嘅大型度假區，園內設有運河、歐洲風格嘅建築物。今年將會舉行嘅「光和運河的夏季特典活動」，日期由7月7日至9月10日，每日都會喺運河上演天燈表演，結合音樂、光雕投影，超級夢幻啊！
除咗天燈表演之外，仲有好多唔同嘅活動，例如夜間點燈、夜間泳池、煙花表演等等，非常豐富！
豪斯登堡
【鈴木敏夫與吉卜力展】
吉卜力fans有福啦！福岡6月起會有「鈴木敏夫與吉卜力展」！
講起吉卜力，可能你會第一時間諗起宮崎駿，其實吉卜力工作室仲有好多好重要嘅幕後功臣，就好似鈴木敏夫！鈴木敏夫曾經擔任多部吉卜力電影嘅動畫製作人，例如千與千尋、哈爾的移動城堡、崖上的波兒。展覽以呢位吉卜力嘅靈魂人物為中心，透過還原鈴木敏夫嘅書架以及超過8,800冊嘅書籍收藏，細數鈴木敏夫與吉卜力之間嘅點點滴滴。
展覽更有一字排開嘅吉卜力電影海報掛旗，全部都係鈴木敏夫嘅心血之作。除此之外，展覽亦有唔少打卡位，包括無臉男、龍貓、湯婆婆。展覽日期由6月9日至8月31日，fans一定要去望下啦！
鈴木敏夫與吉卜力展
- 地址：福岡市早良区百道浜3-1-1 福岡市博物館 特別展示室 (地圖)
- 電話：+81 092-845-5011
- 開放時間：早上9點30 – 中午5點30 (最後入場時間下午5點)
- 鈴木敏夫與吉卜力展官方網站
【VS Park室內運動遊樂場】
就到復活節假期，相信唔少人都準備一家大細去日本玩。如果準備去福岡，VS Park係你小朋友放電嘅好選擇！VS Park係一間結合運動、娛樂、技術元素嘅室內遊樂場，裡面嘅遊戲超過30款，適合大人、小朋友玩嘅都有，例如室內足球、棒球、壁球、射箭、攀，啱晒充滿運動細胞嘅你！呢度仲有唔少考合作嘅遊戲，就好似以前成日喺電視睇到嘅超級無敵大咕窿。除咗可以一家大細黎玩之外，亦適合朋友、情侶一齊挑戰！
▼即刻睇下特派員去玩嘅實測片段！ VS park全日本有6間分店，其中一間就喺福岡！
VS PARK WITH G Lalaport福岡店
- 地址：福岡県福岡市博多区那珂6丁目23-1他 Lalaport福岡内 (地圖)
- 電話：+81 092-558-4347
- VS PARK WITH G Lalaport福岡店官方網站
【mina天神4月完成合併重開】
隨著日本自由行陸續恢復，福岡作為其中一個熱門嘅目的地，當地有唔少新建設施即將開幕迎接遊客嘅到來。其中一個就係大型商場「mina天神」！ 「mina天神」即將與隔離嘅「NORTH天神」合併，成為一棟面積超過6,700坪嘅大型商業娛樂設施，並於4月28日正式重新開幕！到時候會有九州最大嘅UNIQLO、LoFt！另外亦有GU、JINS進駐，更加會有JINS喺日本唯一一間咖啡店！「mina天神」鄰近地下鐵空港線「天神車站」，交通方便，以後去福岡可以盡情shopping！
mina天神
- 地址：福岡県福岡市中央区天神4丁目3-8 (地圖)
- 電話：+81 092-713-3711
- mina天神官方網站
【鬼滅之刃fans必去八幡竈門神社】
適逢鬼滅之刃刀匠村篇開播，小編身為鬼滅迷，今次就為大家介紹一個日本同鬼滅息息相關嘅神社！八幡竈門神社位於九州大分縣，淨係聽個名同「竈門炭治郎」姓氏不謀而合已經知道唔簡單！呢個神社以前唔算特別出名，但係自從鬼滅播出之後人氣不斷上升，參拜人數更大增30倍，神社更推出以三個主角代表色為主題嘅御守！ 唔少fans仲會畫上同鬼滅有關嘅繪馬，相當有心思！
八幡竈門神社被譽為鬼滅迷朝聖聖地，除咗因為個名之外，仲同神社嘅「鬼造石階」傳說有關。相傳過去當地每晚都會有食人嘅鬼出現，村民因此向神求助，於是神就同鬼講「如果你可以一晚做完100級石梯，我就每晚送人俾你食，但如果你做唔到，就要從此消失於此」。結果鬼只做到99級，天就逐漸變亮，鬼亦只能落荒而逃。呢個傳說嘅內容，同鬼滅劇情裡面有食人嘅鬼，而且仲怕陽光呢一點係咪有幾分相似呢？小編都好想去朝聖啊！
八幡竈門神社
- 地址： 大分県別府市大字内竈1900番地 (地圖)
- 電話：+81 097-766-1633
- 八幡竈門神社官方網站
相關優惠：2024名古屋新酒店｜精選7間高質新酒店｜鄰近地下鐵/JR站、大型購物中心、主要景點
【中部地區】
【中部地區——5月下旬至7月賞繡球花好去處】
靜岡縣——下田公園
下田公園位於下田市中心嘅山坡，喺觀景台可以將下田市街景盡收眼底。每年6月1日至6月30日都會舉辦繡球花祭，園內種植15萬株繡球花，場面壯觀！
在 Instagram 查看這則貼文
下田公園
三重縣——風早之里
位於三重縣嘅風早之里 (かざはやの里)，一年四季都可以欣賞到唔同嘅花卉，而繡球花季就係其中一個吸引最多人前往嘅時候。呢度佔地25,000平方公尺，種植超過30種品種嘅繡球花。園內嘅風早池、日式橋樑、木階梯仲係搭配繡球花海影相嘅好選擇。
在 Instagram 查看這則貼文
在 Instagram 查看這則貼文
風早之里
愛知縣——形原温泉あじさいの里
位於形原溫泉入面嘅「あじさいの里」內種有多達50,000棵、120種唔同品種嘅繡球花，遍佈於滿山之中。每年6月1日至6月30日都會舉行繡球花祭，夜晚更會舉行點燈活動，吸引近十萬名遊客到訪。
在 Instagram 查看這則貼文
形原温泉あじさいの里
- 地址：日本愛知県蒲郡市金平町一ノ沢28-1 (地圖)
- 開放時間：早上8點 – 下午9點
- 電話：+81 05-3357-0660
- 形原温泉あじさいの里官方網站
【吉卜力樂園】
相信一眾睇住宮崎駿動畫長大嘅fans一直都好希望有一個以吉卜力為主題嘅樂園，期待咗咁耐，全球首個吉卜力主題樂園終於開幕啦！
呢個位於日本名古屋愛知縣嘅吉卜力樂園 (ジブリパーク) 喺2022年11月1日正式揭幕，但係想去朝聖都唔係咁簡單，可以話係一票難求！雖然而家淨係開放咗三個園區，但係已經夠晒玩全日！三個園區都有好多還原吉卜力動畫名場面嘅打卡位，如果同小編一樣由細睇吉卜力動畫睇到大嘅話，一定每個位都影相影到唔捨得走！
如果想了解吉卜力樂園詳情、購票方法、小編直擊後嘅感想，就要睇埋吉卜力樂園攻略！
▼🇯🇵吉卜力迷必去！愛知縣吉卜力公園😍｜一片睇晒3個園區看點！📍
吉卜力樂園
- 地址： 愛知県長久手市茨ケ廻間乙1533-1 内 Expo 2005 Aichi Commemorative Park (Moricoro Park) (地圖)
- 開放時間：平日10am – 5pm；星期六、日及公眾假期9am – 5pm
- 休園日：逢星期二
- 電話：0570-089-154
- 吉卜力樂園官方網站
- 海外遊客購票網站
【東北地區】
【東北地區——5月下旬至7月賞繡球花好去處】
岩手縣——陸奧繡球花園
位於杉木林間嘅「陸奧繡球花園」(みちのくあじさい園) 係日本最大規模嘅繡球花園之一。園內約100平方米嘅水面上放咗約5000朵繡球花，係幾特別嘅繡球花風景。
在 Instagram 查看這則貼文
陸奧繡球花園
- 地址：日本岩手県一関市舞川原沢111 (地圖)
- 開放時間：早上9點 – 下午5點
- 電話：+81 01-9128-2349
- 陸奧繡球花園官方網站
秋田縣——雲昌寺
位於秋田縣男鹿市嘅雲昌寺，寺廟內1,500株繡球花由副住持花費15年以上親手栽種，因此又被稱為繡球花寺。同其他景點佈滿五顏六色嘅繡球花唔同，雲昌寺嘅繡球花係單一嘅藍色，別有一番風味。
在 Instagram 查看這則貼文
雲昌寺
【北海道地區】
【北海道——5月下旬至7月賞繡球花好去處】
北海道——有珠善光寺
北海道知名景點洞爺湖周邊嘅有珠善光寺有著各式花卉美景，因此有「花之寺」嘅美稱。 每年7月嘅繡球花季就係其中一個吸引最多人前往嘅時候。
在 Instagram 查看這則貼文
有珠善光寺
北海道——松前公園
松前公園除咗係日本百大賞櫻名所之一，仲係一個可以賞繡球花嘅地方。呢度嘅L形池塘水面上漂浮著約3,000朵繡球花，吸引唔少人前來打卡。
在 Instagram 查看這則貼文
松前公園
【北海道——7月至8月賞薰衣草好去處】
北海道——富田農場
富良野位於北海道正中央，有「北海道肚臍」之稱。因為被山脈高峰環繞，自然景觀非常壯闊美麗！富田農場 (ファーム富田) 唔同季節都有各種花朵綻放，最具代表性嘅一定係薰衣草田！每年7月中係富良野薰衣草田嘅最佳賞花期，呢度種植多個品種嘅薰衣草，包括帶有淡紅色嘅「YOUTEI」、淡紫色嘅「OKAMURASAKI」、深紫色嘅「KOIMURASAKI SANGOU」等等。
在 Instagram 查看這則貼文
富田農場
北海道——四季彩之丘
位於美瑛嘅四季彩之丘 (展望花畑 四季彩の丘)，園區面積約150,000平方米，各個季節有唔同花朵綻放，例如5月嘅鬱金香、7月嘅薰衣草、8月嘅向日葵等，都吸引唔少人特地前往。
在 Instagram 查看這則貼文
四季彩之丘
北海道——幌見峠薰衣草園
幌見峠薰衣草園 (夢工房さとう) 位於札幌市，雖然唔及富良野嘅薰衣草出名，不過勝在交通較方便。呢度種植約5,000株薰衣草，因為位於高地，所以仲可以俯瞰成個札幌市區，都幾值得去！不過要留意呢度嘅開園日期由7月上旬至7月尾，詳情可以去官方網站查詢。
在 Instagram 查看這則貼文
幌見峠薰衣草園
- 地址：日本北海道札幌市中央区盤渓471番地110 (地圖)
- 開放時間：早上9點 – 下午5點
- 電話：+81 01-1622-5167
- 幌見峠薰衣草園官方網站
日本又有新Outlet? 唔好再逼我買嘢啦～呢個新Outlet 仲係主打有綠化庭園同多間露營用品Outlet店，夜晚仲有營火體驗，無論係露營新手定老手都係必去！今次就有 ＠風信子與旦那 帶大家去行下呢個新Outlet!
▼露營友必去！⛺️2023關東最新Outlet🤩 | 關東最大Snow Peak、全日本最大3 Coins+💰 | THE OUTLETS 湘南平塚
大阪除咗黑門市場之外，竟然仲有一個超抵食嘅魚市場🐟竟然仲可以批發價爆食魚生?! 今次Claudia 同Mayu 就帶大家去呢個市場睇下，想知邊幾間店最值得食同要幾點去就記住睇片～
▼喺大阪市中心批發價食魚生?! 🐟HK$1.5 一隻甜蝦／HK$4.7帆立貝😍幾點起身先食到好西？｜大阪本地人去嘅魚市場－大阪木津市場
淺草已經去過好多次？新和服、新景點，您又體驗過未？今次有熱菇同菇咪咪 @JAPANGoGoGo3帶大家著住和服咁淺草一日遊，除咗必去嘅淺草寺，仲有室內嘅最新打卡景點淺草橫町，包你相機同個肚都收獲滿滿！
▼🏮淺草最新和服一日遊路線2023！超特別和服款唔怕撞👘必住漫畫風酒店🏩最新夏祭風打卡熱點🎋｜HOTEL TAVINOS淺草、HANAYAKA淺草和服體驗館、淺草橫町