九州景點2025｜九州自由行｜除了東京、大阪，近年越來越多人喜歡去九州旅行。九州位於日本本島西南方，主要有7個縣，分別是福岡縣、大分縣、佐賀縣、長崎縣、熊本縣、鹿兒島縣及宮崎縣。小編為大家持續更新九州最新旅遊資訊，並搜羅各個最新景點。小編亦準備東京旅遊資訊、大阪旅遊資訊等，立即計畫你的下一個旅程目的地！
福岡縣
福岡機場上調旅客服務費
福岡國際機場公司（FIAC）宣布，由2025年3月30日發行的機票開始，國際線的旅客服務費將會上調，12歲以上增至2530日圓、12歲以下增至1260日圓。加價原因主要是想配合福岡機場擴建而徵收，而工程預計下年3月29日完工。
博多新大谷飯店推出布甸狗主題房
福岡博多新大谷飯店推出布甸狗主題房，一共有兩款房型，每間都各有特色和心思，入住更會送布甸狗公仔及毛巾，喜歡布甸狗的話記得快到官網預訂！
福岡博多新大谷飯店Ｘ布甸狗聯名主題房
- 住宿預約期間：即日起
- 預訂網站：按此
- 酒店地址：1-1-2 Watanabe-dori, Chuo-ku, 天神, 福岡, 日本, 810-0004
Cyber Punk未來感神社
日本有間超有Cyberpunk feel嘅神社！好靚啊！呢度叫做「中司孫太郎稻荷神社」，位於福岡市西部，由鎌倉時代已經設立，不過將光線裝設喺神社呢個行為就係由戰後開始。呢度喺昭和30年代開始喺鳥居上裝設霓虹燈，目的係希望改善戰後民眾無精打采嘅心情，而家就換上LED燈，吸引好多人專程到訪打卡！
中司孫太郎稻荷神社
- 地址：福岡市中央区西公園13-10 (地圖)
- 電話：+81 092-781-7434
- 開放時間：早上5點 – 晚上8點
- 中司孫太郎稻荷神社官方網站
VS Park室內運動遊樂場
就到復活節假期，相信唔少人都準備一家大細去日本玩。如果準備去福岡，VS Park係你小朋友放電嘅好選擇！VS Park係一間結合運動、娛樂、技術元素嘅室內遊樂場，裡面嘅遊戲超過30款，適合大人、小朋友玩嘅都有，例如室內足球、棒球、壁球、射箭、攀，啱晒充滿運動細胞嘅你！呢度仲有唔少考合作嘅遊戲，就好似以前成日喺電視睇到嘅超級無敵大咕窿。除咗可以一家大細黎玩之外，亦適合朋友、情侶一齊挑戰！
▼即刻睇下特派員去玩嘅實測片段！ VS park全日本有6間分店，其中一間就喺福岡！
https://youtube.com/watch?v=1Cf7b8M5y9k%3Fautoplay%3D1%26mute%3D1
VS PARK WITH G Lalaport福岡店
- 地址：福岡県福岡市博多区那珂6丁目23-1他 Lalaport福岡内 (地圖)
- VS PARK WITH G Lalaport福岡店官方網站
長崎縣
九州豪斯登堡主題樂園
位於九州長崎的豪斯登堡是以中世紀荷蘭建築為主題打造而成，帶有異國特色，被稱為日本三大主題樂園之一，亦是日本面積最大主題樂園。豪斯登堡於2月28日起舉辦 「春日夢幻景色娛樂盛典」，無論白天或夜晚都能感受到春天的絕美氛圍，而夏天更會推出世界唯一Miffy World主題園區，會去九州旅行的讀者記得留意！
豪斯登堡
大分縣
【鬼滅之刃fans必去八幡竈門神社】
適逢鬼滅之刃刀匠村篇開播，小編身為鬼滅迷，今次就為大家介紹一個日本同鬼滅息息相關嘅神社！八幡竈門神社位於九州大分縣，淨係聽個名同「竈門炭治郎」姓氏不謀而合已經知道唔簡單！呢個神社以前唔算特別出名，但係自從鬼滅播出之後人氣不斷上升，參拜人數更大增30倍，神社更推出以三個主角代表色為主題嘅御守！ 唔少fans仲會畫上同鬼滅有關嘅繪馬，相當有心思！
八幡竈門神社被譽為鬼滅迷朝聖聖地，除咗因為個名之外，仲同神社嘅「鬼造石階」傳說有關。相傳過去當地每晚都會有食人嘅鬼出現，村民因此向神求助，於是神就同鬼講「如果你可以一晚做完100級石梯，我就每晚送人俾你食，但如果你做唔到，就要從此消失於此」。結果鬼只做到99級，天就逐漸變亮，鬼亦只能落荒而逃。呢個傳說嘅內容，同鬼滅劇情裡面有食人嘅鬼，而且仲怕陽光呢一點係咪有幾分相似呢？小編都好想去朝聖啊！
八幡竈門神社
- 地址： 大分県別府市大字内竈1900番地 (地圖)
- 八幡竈門神社官方網站
▼日本福岡LaLaport！朝聖全球最高高達立像
https://youtube.com/watch?v=GQoG6fGBNNc%3Fautoplay%3D1%26mute%3D1