吉隆坡周邊 雪蘭莪雲頂遊記
吉隆坡作為馬來西亞嘅首都，景點真係唔多，玩一兩日已經好足夠。雖然城市入邊冇咩嘢玩，但如果以雙子塔為中心，放射開去，周邊都有唔錯嘅選擇。
例如20分鐘車程，擁有世界上第二高的印度教神像嘅黑風洞；40分鐘車程，坐落於馬來西亞行政首都布城嘅玫瑰清真寺等。如果有嘅時間更多，可以去埋世界文化遺產名錄，充滿葡萄牙色彩嘅馬六甲； 或者同樣都係兩個半鐘車程嘅怡保，食著名的芽菜雞。
不過去過好多次吉隆坡嘅小編，今次揀嘅係先去雪蘭莪，再上雲頂嘅行程。第一日喺吉隆坡過夜，第二日中午坐車由吉隆坡去萬隆 (Rawang)， 第三日再上雲頂。
▼ 馬來西亞Vlog 沙巴神山｜沙勞越｜雪蘭莪
▼吉隆坡周邊行程地圖
行程
Day 1: 到達吉隆坡
Day 2: 吉隆坡 露營主題度假村RESORT TAMAN EKO RIMBA KOMANWEL
Day 3: 露營主題度假村 蘭花園 雲頂高原
Day 4: SkyWorld主題樂園 吉隆坡
Day 5: 吉隆坡市內活動
Resort Taman Eko Rimba Komanwel
▼營地地圖
查看地圖，你會發現整個吉隆坡都被雪蘭莪包圍住。Resort Taman Eko Rimba Komanwel位於雪蘭莪萬隆，由雙子塔出發車程約35分鐘。
▼Resort Taman Eko Rimba Komanwel
近年越嚟越流行露營，喺呢個度假村入面可以進行唔同形式露營體驗。 設備亦都有得租借，唔需要帶營具，非常方便。
▼Resort Taman Eko Rimba Komanwel
▼Resort Taman Eko Rimba Komanwel
除咗有唔同主題嘅露營設施外，度假村內仲有ATV玩，在陡峭嘅山路上駕駛ATV行走，非常刺激。遊客亦可以租借單車和電動滑板車在度假村內遊玩。
▼度假村內ATV越野車活動
▼度假村內溯溪活動
水上設施方面，亦有得租直立板和獨木舟，啱晒鍾意戶外活動一家大細。
▼度假村內水上活動
▼度假村內燒烤晚餐
晚上仲可以喺營地一邊食住燒烤美食，一邊欣賞戶外音樂。
▼度假村內燒烤晚餐
World of Phalaenopsis, 馬來西亞最大蘭花培植場
▼World of Phalaenopsis, 馬來西亞最大蘭花培植場
▼World of Phalaenopsis, 馬來西亞最大蘭花培植場
第二日早餐後去左馬來西亞最大蘭花培植場，種子由台灣引入，喺當地培植。蘭花由種子到售賣要兩年時間，場內有過千朵蘭花盛開。
內裏仲有一間打卡Café，可以入去嘆番杯咖啡！
▼園內Cafe
雲頂名勝世界
▼雲頂名勝世界
由蘭花園上雲頂，45分鐘車程就會到達。香港人認識雲頂，可能係因為星夢郵輪。但其實位於馬來西亞嘅雲頂高原，呢個被稱為雲端上嘅娛樂城，已經有超過50年歷史。
位處海拔1,500米的山上娛樂城，以前最出名的是賭場。而家是一個老少咸宜的避暑聖地。
▼雲頂最新酒店 – Crockfords Hotel
山上有五間酒店，各有特色。小編今次入住的是雲頂上最新的Crockfords Hotel。
▼Crockfords Hotel 早餐環境
▼Crockfords Hotel 早餐
2017年落成，是全馬唯一的福布斯五星酒店，環境服務當然卓越。
▼Crockfords Hotel 房間
房間設計好特別，床面對着落地玻璃窗。
▼Crockfords Hotel 房間
一覺醒來，按動先進的平板智能系統，打開窗簾，一層層嘅山巒映入眼簾，勁壯麗。
▼Crockfords Hotel 房間窗外景色
SKYWORLD天城世界主題樂園 (2022年2月8日試業)
▼SKYWORLD天城世界主題樂園
▼SKYWORLD天城世界主題樂園
至於娛樂設施，雲頂上擁有全馬最新嘅主題樂園，SKYWORLD。今年二月開始試業，到而家仲未正式開幕。
▼SKYWORLD天城世界主題樂園
入面有九大主題，比較出名嘅主題有冰河世紀、翻生侏羅館。
▼SKYWORLD天城世界主題樂園
最欣賞係佢有一個超貼心嘅應用程式，話俾你知個機動遊戲排隊輪候時間，同埋可以book定時間去玩，唔使排隊。
SKYTROPOLIS 天城室內主題樂園
▼SKYTROPOLIS 天城室內主題樂園
雲頂商場內都仲有一個大型室內主題樂園喺商場內。 擁有21個遊樂設施嘅SKYTROPOLIS，如果唔好彩落雨，都仲有個後備方案。
▼SKYTROPOLIS 天城室內主題樂園
山上嘅食肆超多選擇，好多餐廳仲係全馬來西亞少有嘅外國餐廳分店。
▼山上FIVEGUYS
▼山上Burger & Lobster
例如Five Guys、倫敦著名餐廳Burger & Lobster、The Laughing Fish by Harry Ramden等。
▼山上FoodCourt
簡單啲去食FoodCourt都好附選擇。
▼雲頂密苑火鍋
小編呢晚試咗比較有特色嘅雲頂密苑火鍋， 湯底feel到用心炮製，打完邊爐唔口渴。
▼雲頂密苑火鍋
餐廳外觀已經知道佢係一間以賽做主打嘅火鍋餐館。門口見到店內種植嘅蔬菜，啲菜超新鮮，全部自家種植即叫即摘。
吉隆坡景點
由雲頂落返山，約1小時會返到雙子塔。雙子塔係吉隆坡地標，比台北101超越之前，曾是世界上最高嘅摩天大廈。除咗可以喺外邊影相外，遊客可以上到第41、42層嘅天橋，喺離哋170米嘅橋上欣賞吉隆坡景色。
茨廠街
▼茨廠街
▼茨廠街必飲冬瓜茶
Central Market 中央藝術坊
▼中央藝術坊，前稱中央市場
位於茨廠街附近的中央藝術坊，在1888年啟用是曾是傳統市場， 現在是售賣工藝品和手信的地方。不過因為疫情關係，藝術坊內餐冷清清，人潮很少。
▼中央藝術坊
▼中央藝術坊
鬼仔巷
▼鬼仔巷
在吉隆坡唐人街（茨廠街）的另一方向，短短的小巷弄內有六面壁畫， 是一個新興旅遊景點。
▼鬼仔巷
訴說60年代華人移民馬來西亞，在茨廠街日常生活的壁畫， 不少當地人也前來打卡熱點。
阿羅後巷
▼阿羅後巷
特色壁畫除了在鬼仔巷找到外， 位於阿羅街馳名黃亞華燒雞翼附近，阿羅街後巷也有一個彩色世界。
▼阿羅後巷
▼阿羅後巷
後巷給人的感覺是污糟邋遢的。這條被活化的後巷，色彩繽紛。推薦的打卡位是Jalan Rembia的位置。
阿羅街
▼阿羅街
▼黃亞華小食店
黃亞華小食店
這條兩旁食肆林立的街道上，有不少泰國和海鮮大排檔。不過最出名的當然是鼎鼎大名的黃亞華燒雞翼，當地人去旅遊，也是必去的餐廳。
▼黃亞華小食店
▼黃亞華小食店
因疫情關係，本來要排隊等候45分鐘的燒雞翼，而家隨便坐。雖然人流少咗，但味道依然。濃濃炭香味的燒雞翼皮脆肉亂，食唔停口。