係德國嘅前半段,主要係自己遊歷,黎到下半段就係以旅遊記者身份參加一個傳媒採訪團,今次行程主要參觀德國最大嘅主題樂園 – 歐洲主題公園,試玩4D體驗館YULLBE,意思係You will be!以及走訪德國北邊面港口城市漢堡同埋小鎭根根巴赫Gengenback。
疫情原因小編好耐無參加過Media Trip,心情好興奮又緊張。行程第一站去到德國南面工業城市Stuttgart火車站,會合其他旅遊記者及我地今次行程嘅德國導遊Gunter,再坐專車送到我地去歐洲主題公園。今次採訪因為疫情影響下,只有來自挪威嘅Torill,葡萄牙嘅Mara 同奧地利嘅Diana,計埋來自香港嘅我,一共有四位旅遊記者。我地嘅德國導遊集齊我地買四個就立即帶我地上旅遊車,正式展開我地嘅四日三夜媒體訪問之旅。
本以為今次旅程有人安排好行程會係非常之輕鬆,但原來接下來嘅四日節日非常緊湊,而且有別於以往嘅旅行,一上到旅遊車,我地就忙於自我介紹同埋講下自己幫緊邊個傳媒做採訪,而德國導遊係車上介紹,都要專心咁聽,因為導遊所講啲資料隨時用番係我地寫文章入面。
黎到歐洲主題公園立即開始第一個活動,就係要試玩同了解歐洲主題公園黎緊下年度最新嘅樂園設施~4D體驗館YULLBE。YULLBE意思係You will be…,背後嘅理念係佢地想將全新嘅4D 體驗帶比黎樂園玩嘅一家大細,玩完之個每個人嘅感覺可以好唔同,你可以係You will be surprised? amazed? scared?
▼德國歐洲主題公園
4D體驗小編都有玩過,最初體驗係試過坐係一架機器上面帶上4D眼鏡,一邊睇過山車片,機器一邊郁動,所以本以為冇咩驚喜,但估唔到又出奇地好玩。去YULLBE一開始要帶上好多工道具係身上,好似太空人咁,當然要帶埋4D眼鏡。由開始到玩完嘅地點,原來已經有好大距離,換言佢地嘅4D體驗不再局限於定點體驗,而係通過最新4D技術,所有玩家可以見到一齊進入遊戲體驗嘅其他玩家,而且所有遊家可以一齊去完成某個任務,非常適合一家大細。
▼4D體驗館YULLBE
▼4D體驗館YULLBE
▼德國歐洲主題公園
▼德國歐洲主題公園
歐洲主題公園位於德國東南面一個叫Rust嘅小鎭,位置鄰近法國同瑞士。園區由10幾個歐洲不同國家背景做主題,比遊客可以係短短一日就感受到東南西北歐不同國家嘅風情差異,而且仲可以玩盡園區多個機動遊戲,雖然今次去德國之前已經去咗北歐同東歐,但我覺得一啲都唔悶,因為樂園嘅其中一個賣點係過山車,而講到過山車,就必定要提及Mack Family,因為佢地家族係過山車行業非常出名,包括香港海洋公園嘅過山車都係由佢地幫手建造。
▼德國歐洲主題公園
▼德國歐洲主題公園
▼德國歐洲主題公園
▼德國歐洲主題公園
▼Media Trip歐洲記者團友
今次傳媒採訪之旅,有一半時間係留係歐洲主題公園做訪問,而另一半時間就會到另外兩個德國城市。小鎭根根巴赫Gengenback最特別係佢地嘅市政廳咁啱有25個窗,每年聖誕就有全世界最大嘅戶外倒數聖誕月曆,而今年窗嘅主題係小王子添,非常吸引!除此之外,Gengenback仲好出名白酒, 歐洲好多地方都有引入呢度嘅白酒。
▼根根巴赫市政廳 – 全世界最大戶外倒數聖誕月曆
▼德國根根巴赫
▼德國根根巴赫
▼德國根根巴赫白酒
▼德國根根巴赫白酒
之後北上去漢堡包嘅發源地 – 德國漢堡。今次去到漢堡,以為係啲大城市冇咩驚喜會幾悶,但原來漢堡係一個充滿特色嘅城市,當中最大驚喜係Miniatur WonderLand。之前係香港有去過Legoland睇過用lego堆砌成嘅世界景點,所以本來以為冇咩特別。但睇完成個展覽就覺得係必去嘅地方,因為呢個微型展覽入面嘅展品非常真實,睇得出佢地嘅製作團隊花上好多心機同時間,去研究點樣同遊客更有互動,展館內有分日頭同夜晚時段,例如巴西區遊客可以見證巴西嘉年華會嘅日與夜。
▼德國漢堡Miniatur WonderLand
▼德國漢堡Miniatur WonderLand
▼德國漢堡Miniatur WonderLand
▼德國漢堡Miniatur WonderLand
▼德國漢堡Miniatur WonderLand
▼德國漢堡Miniatur WonderLand
▼德國漢堡Miniatur WonderLand
▼德國漢堡
▼德國漢堡
▼德國漢堡機場
漢堡機場同樣令人難忘,因為佢地個機場展品係製作到真係有航班定時升降,而且更加有模仿機場事故,會有救護車同消防車駕駛到「現場」急救,成件事非常之珍貴又難忘。
小編之前參加過唔少Media Trip,但因為疫情好耐冇參加過,今次有機會可以參加到呢個主要為歐洲媒體舉辦嘅Media Trip,非常難得,往時嘅難忘旅遊經歷一一湧現眼前,希望快啲再有Media Trip去其他地方啦。
特別嗚謝:德國國家旅遊局香港及南中國代表處
小編出走遊記一覽
- #1 小編出走:疫情下的一趟旅行
- #2 小編出走:大鄉里坐飛機與入境芬蘭篇
- #3 小編出走:秋日森林採菇+正宗芬蘭桑拿
- #4 小編出走:那赫爾辛基被遺忘的秋天 (六大秋葉打卡景點)
- #5 小編出走:瑞典真紅葉 – 皇家理工學院+斯德哥爾摩市政廳
- #6 小編出走:北歐魚湯與肉丸
- #7 小編出走:世界最長的地下畫廊
- #8 小編出走:波羅的海三國 防疫措施大不同
- #9 小編出走:坐上郵輪 探訪高度自治區 奧蘭群島
- #10 小編出走:夢寐以求想去的國度 – 瑞士 (少女峰、日內瓦)
- #11 小編出走:夢寐以求想去的國度 – 瑞士 (庫爾、巴塞爾)
- #12 小編出走:重新認識德國